Qysqy Ýnıversıada-2023: Qazaqstan hokkeıshileri Ońtústik Koreıadan basym tústi

ASTANA. QazAqparat - 2023 jylǵy Qysqy Ýnıversıadada shaıbaly hokkeıden Qazaqstan stýdentter quramasy alǵashqy oıynyn Ońtústik Koreıaǵa qarsy ótkizdi, dep habarlaıdy QazAqparat tilshisi.

Kezdesý barysynda qazaqstandyq hokkeıshiler alǵashqy bolyp esep ashty. Oıynnyń 14-mınýtynda Álı Qasenov mergendik tanytty.

Ekinshi kezeń bastalǵannan keıin koreılik hokkeıshiler tarazy basyn teńestirse, 24, 26-mınýttarda Kırıll Polohov Qazaqstan quramasynyń basymdyǵyn arttyrdy.

Al 38-mınýtta qazaqstandyq Maksım Mýhametov qaqpany dál kózdedi.

Osylaısha qazaqstandyq hokkeıshileri qarsylasynan 5:1 esebimen basym tústi.

Qazaqstandyq hokkeıshiler V tobynda Ońtústik Koreıa, Vengrııa, Ulybrıtanııa, Slovakııa jáne AQSh-pen synǵa túsedi.

Atalǵan topta alǵashqy týrda AQSh quramasy Ulybrıtanııa 18:0 esebimen tize búktirse, Slovakııa hokkeıshileri Vengrııadan 4:0 esebimen basym tústi.

Endi elimizdiń stýdentter quramasy 13 qańtarda Vengrııamen sheberlik baıqasady. Odan keıin 16 qańtarda Ulybrıtanııa, 17 qańtarda Slovakııa, 18 qańtarda AQSh quramasymen oınaıdy.

A tobynda Japonııa Latvııadan 8:3, Chehııa Shvetsııany 7:2, Kanada Ýkraınany 6:1 esebimen jeńdi.

Qysqy Ýnıversıada AQSh-tyń Leık-Plesıd qalasynda 12 jáne 22 qańtar aralyǵynda bolady.

Qazaqstan stýdentter quramasy dúbirli dodaǵa toǵyz márte qatysty. 1995 jyly Ispanııanyń Haka qalasynda chempıondyq tuǵyrǵa kóterilse, 1993, 2013, 2015, 2017 jyldarda kúmis, 2007 jyly qola medal ıegeri atandy.

Eske salsaq, shaıbaly hokkeıden Qazaqstan stýdentter quramasynyń bas bapkeri qyzmetine Ǵalym Mámbetálıev taǵaıyndaldy.