Qysqy sport maýsymynyń qorytyndysy: Qazaqstan úzdikter tizimine endi

Endi osyny tarqatyp shyǵaıyq.

Jyl saıyn dúnıejúzilik beıresmı jal­py­komandalyq qorytyndy esep júr­giziledi. Qys­qy maýsym bólek, jazǵy­sy bólek. Onda Olım­pıada oıyndary baǵ­dar­lamasyna enetin sport túrleri boıyn­sha ótken álem chempıonattary qorytyn­dy­lanady.

ıAǵnı barlyq álem chemıo­nat­ta­ryndaǵy júldeler esepke alynyp, qaı el­diń sportshylary qansha medal alǵany sana­lady. Sol boıynsha beıresmı jalpy­ko­man­da­lyq esep túziledi.

Qysqy sport túrlerinde mun­daı tizimge ilikpegenimizge birtalaı jyl bolǵan. Shamamen 17-18 jyl bolǵan shyǵar. Óıtkeni biz­diń esimizde qalǵany - sonaý 1995-96 jyl­dardaǵy júl­deler ǵana.

1995 jyly qazaq spor­ty­nyń jaryq juldyzy Vladımır Smır­nov Tan­der-Beıde (Kanadada) ótken álem chem­pıo­natynda úsh altyn, bir qola alǵan. Al konkıshi qyzymyz Lıýdmıla Proka­she­va 1995 jylǵy álem chempıonatynda klas­sıkalyq kópsaıystan kúmis júldeger atanyp, 1996 jyly 3000 metr­lik qashyq­tyqta qola júlde enshilegen.

Ras, qa­zir kon­kımen júgirý sportynan Qazaqstan ult­tyq quramasynyń bas bapkeri bolyp júrgen Va­dım Saıýtın 1999 jylǵy álem chempıonatynda kúmispen kúptelip (klas­sıkalyq kópsaıys), 2001 jy­ly 10 000 metr­lik alys qashyqtyqta qo­la me­dal je­ńip alǵan. Biraq Saıýtın 1994 jy­ly Re­seı­diń kon­kıshi qyzy Svetlana Baje­no­va­ǵa úılenip, sol jyldan bastap Reseı azamat­tyǵyn alyp, osy eldiń namysyn qorǵaǵan...

Aıtpaǵymyz bul emes. Tek álgi qysqy maý­symdar qorytyndysyndaǵy tizimge ilikpeı ket­kenimizge birneshe jyl bol­ǵa­nyn tilge tıek etý edi. Sol tizimge kópten beri bıyl ǵana iligip otyr­myz.

Bıyl qysqy Olımpıada oıyndary baǵ­darlamasyna kiretin 15 sporttyń túri­nen álem chem­pıonaty ótip, barlyǵy 98 medal jıyntyǵy sarapqa salynýy kerek eken. Sonyń 97-si sa­rap­qa salynyp bo­lyp, bireýi ǵana qalypty. Tek shaıbaly hok­keıden erler arasyndaǵy álem chem­pıonaty ótpegen.

Ózderińiz bilesizder, shaı­baly hokkeıden erler arasyndaǵy bıylǵy álem chempıonaty 3-9 mamyr ara­lyǵynda Shve­tsııa men Fınlıandııada ótedi. Biraq dál osy búkilálemdik birinshiliktiń qorytyndysy beı­res­mı jalpykoman­dalyq esepke kóp ózgeris engizbeıdi.

Son­dyqtan biz osy beıresmı jalpy­komanda­lyq eseptegi tizimge kóz júgirtýdi jón sa­nap otyrmyz.

Joǵaryda jazǵanymyzdaı, Qazaqstan - ekin­shi ondyqta, Avstralııamen 17-­oryndy bóli­sip turmyz. Bıyl biz de, Av­stra­lııa da álem chem­pıonattarynan tórt júlde (bir altyn, bir kúmis, eki qola) oljalappyz.

Bizdiń elden kimderdiń júlde alǵanyn bile­sizder. Konkıshi Denıs Kýzın 22 naý­ryz kúni So­chıde ótken álem chempıonatynda 1000 metr­lik qashyqtyqta úzdik shyǵyp, altynmen aptal­dy.

Denıs Ten 15 naýryz kúni mánerlep syr­ǵanaýdan Kanadanyń London qala­synda ótken álem chempıonatynda (erler arasyndaǵy syn­da) ekinshi oryn alyp, kúmispen kúptelgen bolatyn.

Buǵan deıin shańǵyshylarymyz eki qola alǵan bolatyn. 20 aqpannan bastap, 2 naýryzǵa deıin Italııanyń Val-dı-Femme degen kýror­tynda ótken HHHІH álem chempıonatynda el qorjynyna eki qola túsken-di. Áýeli Alekseı Poltoranın men Nıkolaı Chebotko komandalyq sprınt­te úshinshi orynǵa ıe bolsa, odan ke­ıin Alekseı Poltoranın 50 shaqyrymdyq alaman báıgede máre syzyǵyn taǵy da úshinshi bolyp qıǵan.

Mine, osylaı bıylǵy qysqy sport túrleri­nen ótken álem chempıonattarynan tórt júlde al­ǵanbyz. Bularǵa qosa, 27 qańtardan 3 aqpanǵa deıin bendıden Shve­tsııada ótken HHHІІІ álem chem­pıo­na­tynda qola medal jeńip alǵanbyz. Biraq bendı Olımpıada oıyndary baǵ­dar­lamasyna kirmeıdi. Sondyqtan bul júl­demiz bıylǵy qysqy maýsym qorytyn­dysyndaǵy beıresmı jalpykomandalyq esepke enbeıdi.

Bıyl 15 sporttyń túrinen ótken álem chem­pıo­nattarynda 26 el júlde alypty. Endi solar­ǵa atústi toqtalyp óteıik:

1. Norvegııa - 34 (17 altyn, 7 kúmis, 10 qola)

/bıatlon - 11 (8+2+1); shańǵy jarysy - 16 (7+4+5); taý shyńǵysy - 2 (1+0+1); shańǵymen tuǵyrdan sekirý - 2 (1+0+1); shańǵy qossaıysy - 1 (0+1+0); snoýbord - 2 (0+0+2)/.

2. AQSh - 28 (13+6+9)

/taý shańǵysy - 5 (4+0+1); frıstaıl - 8 (3+1+4); mánerlep syrǵanaý - 2 (2+0+0); snoýbord - 2 (1+1+0); hokkeı (áıelder) - 1 (1+0+0); shańǵy jarysy - 1 (1+0+0); shańǵymen tuǵyrdan sekirý - 1 (1+0+0); konkımen jarysý - 3 (0+1+2); bobsleı - 2 (0+1+1); bıatlon - 1 (0+1+0); skeleton - 1 (0+1+0); shańǵy qossaıysy - 1 (0+0+1)/.

3. Germanııa - 26 (9+7+10)

/shana sporty - 8 (4+3+1); bobsleı - 4 (2+0+2); taý shyńǵysy - 3 (1+1+1); snoýbord - 3 (1+0+2); shańǵy qossaıysy - 2 (1+0+1); bıatlon - 2 (0+1+1); shańǵymen tuǵyrdan sekirý - 1 (0+1+0); mánerlep syrǵanaý - 1 (0+1+0); konkımen jarysý - 2 (0+0+2)/.

4. Kanada - 29 (7+12+10)

/frıstaıl - 7 (2+4+1); snoýbord - 4 (2+2+0); máner­lep syrǵanaý - 4 (1+2+1); short-trek - 5 (1+1+3); bobsleı - 1 (1+0+0); kerlıng - 2 (0+1+1); shana sporty - 2 (0+1+1); hok­keı (áıelder) - 1 (0+1+0); shańǵy jarysy - 1 (0+0+1); konkımen jarysý - 1 (0+0+1); skeleton - 1 (0+0+1)/.

5. Reseı - 23 (7+5+11)

/konkımen jarysý - 5 (2+0+3); shańǵy jarysy - 5 (2+0+3); mánerlep syrǵanaý - 2 (1+0+1); snoýbord - 2 (1+0+1); skeleton - 2 (1+0+1); short-trek - 2 (0+2+0); bıatlon - 2 (0+1+1); bobsleı - 1 (0+1+0); frıstaıl - 1 (0+1+0); hokkeı (áıelder) - 1 (0+0+1)/.

6. Frantsııa - 18 (6+7+5)

7. Nıderlandtar - 17 (6+7+4)

8. Ońtústik Koreıa - 12 (6+5+1)

9. Qytaı - 9 (6+1+2)

10. Shveıtsarııa - 9 (4+5+0)

11. Avstrııa - 16 (3+7+6)

12. Shvetsııa - 11 (2+7+2)

13. Slovenııa - 7 (2+3+2)

14. Ulybrıtanııa - 5 (2+1+2)

15. Polsha - 7 (1+3+3)

16. Ýkraına - 5 (1+1+3)

17. Qazaqstan - 4 (1+1+2)

17. Avstralııa - 4 (1+1+2)

19. Chehııa - 3 (1+1+1)

20. Fınlıandııa - 4 (1+0+3)

21. Belarýs - 1 (1+0+0)

22. Japonııa - 8 (0+4+4)

23. Italııa - 7 (0+4+3)

24. Latvııa - 2 (0+1+1)

25.Horvatııa - 1 (0+1+0)

26. Ispanııa - 1 (0+0+1)