Qysqy sessııa jyl sońyna deıin aıaqtalady

NUR-SULTAN. QazAqparat – 26 qarashada qysqy sessııa bastalyp ketti. Ádette sessııa jyldyń sońyna deıin aıaqtalady. Bul týraly Ortalyq kommýnıkatsııalar qyzmetinde ótken onlaın brıfıngte QR Bilim jáne ǵylym vıtse-mınıstri Mıras Dáýlenov aıtty, dep habarlaıdy QazAqparat tilshisi.

«Qashyqtan oqytý barysynda pedagogtardy tsıfrlyq mashyqqa úıretý qajettigi týyndady. Ótken jazda osyǵan baılanysty sessııalar ótti. QR Bilim jáne ǵylym mınıstrligi mundaı sharalardy uıymdastyrýǵa atsalysty. Bolon protsesi jáne akademııalyq utqyrlyq ortalyǵymen birlesip 7 sessııa ótkizdik», - deıdi QR Bilim jáne ǵylym vıtse-mınıstri Mıras Dáýlenov.

Sondaı-aq, ol joǵary oqý oryndary zaldarynyń esigi vıdeo lektsııa jazý úshin ashyq bolǵanyn aıtty.

«Kóktemgi semestr kezinde oqytýshylar vıdeo lektsııany qolda bar qurylǵylarymen jazýlaryna týra kelse, qazirgi ýaqytta sapaly túrde túsirýge múmkindik jasalǵan. Sondaı-aq, QR Bilim jáne ǵylym mınıstrligi qujat túrindi esep berýdi elektrondy túrde esep berýge almastyrý kerektigi buıryq shyǵardyq. Barlyq joǵary oqý oryndaryndaǵy qujat jumystary elektrondy formatqa aýysty, ıaǵnı oqýǵa túsý úshin qujattardy elektrondy túrde ótkizýge bolady. Al sessııaǵa keler bolsaq, 26 qarashadan bastap qysqy sessııa bastalyp ketti. Ádette sessııa jyldyń sońyna deıin aıaqtalady, demek stýdentter jańa jylǵa deıin emtıhan tapsyryp, demala alady», - deıdi ol.