Qysqy Paralımpıada-2022: El quramasynan 8 naýryzda kimder synǵa túsedi

NUR-SULTAN. QazAqparat - Qytaı astanasy Beıjiń qalasynda 2022 jylǵy XIII qysqy Paralımpıada oıyndarynda 8 naýryzda qazaqstandyq 3 sportshy el namysyn qorǵaıdy, dep habarlaıdy QazAqparat tilshisi.

8 naýryzda el quramasynan Sergeı Ýsoltsev, Erbol Hamıtov pen Aleksandr Gerlıts jarys jolyna shyǵady.

Qazaqstandyq sportshylardyń oıyn kestesi tómendegishe:

08:00 - Sergeı Ýsoltsev, Erbol Hamıtov - 10 shaqyrym. Otyryp syrǵanaý

10:00 - Aleksandr Gerlıts - 10 shaqyrym. Turyp syrǵanaý

Aıtýly alamanda Qazaqstan atynan Erbol Hamıtov, Aleksandr Gerlıts, Denıs Petrenko, ıÝrıı Berezın jáne Sergeı Ýsoltsev para shańǵy jáne para bıatlon sport túrlerinen el namysyn qorǵaıdy.

Sportshylar sporttyń shańǵy jarysynan, bıatlonnan, taý shańǵysy sportynan, sledj-hokkeıden, arbadaǵy kerlıngten jáne snoýbord sekildi sporttyń alty túrinen 78 júldeni sarapqa salady.

Qysqy Paralımpıada oıyndarynda qazirge deıin el qorjynyna 1 altyn, 1 kúmis medal tústi. 1994 jyly 10 shaqyrymǵa klassıkalyq mánerdegi shańǵy jarysynda qazaqstandyq Lıýbov Vorobeva kúmis alsa, 2018 jyly shańǵymen jarysta Aleksandr Kolıadın 1,5 shaqyrymǵa klassıkalyq mánerde sprınt jarysynda chempıon atandy.

Qysqy Paralımpıada oıyndary 13 naýryzǵa deıin bolady.