Qysqy Olımpıada jeńimpazdary men júldegerlerine qansha syıaqy beriledi
ASTANA. QazAqparat - Ońtústik Koreıada ótetin HHІІІ qysqy Olımpıada oıyndarynyń jeńimpazdary men júldegerleri qansha syıaqy alatyndary belgili boldy, dep habarlaıdy QazAqparat.
Qysqy Olımpıadada chempıon atanǵan sportysh 250 myń, kúmis medal jeńip alǵan sportshy 150 myń, al qola medalǵa qol jetkizgen sportshy 75 myń AQSh dollary kólemindegi syıaqyǵa ıe bolady. Bul týraly búgin Almaty oblysy Talǵar aýdanynda ornalasqan AIBA akademııasynda Olımpıadaǵa qatysýshylardy shyǵaryp salýǵa arnalǵan arnaıy baspasóz máslıhaty aıasynda QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Elsııar Qanaǵatov jýrnalıstergen bergen suhbatynda aıtty.
Sondaı-aq, Olımpıadada 4-oryn alǵan sportshy - 30 myń, 5-oryn - 10 myń, 6-oryn alsa 5 myń AQSh dollary kóleminde syıaqyǵa ıe bolatynyn da atap ótti.
Esterińizge sala keteıik, Phenchhandaǵy qysqy Olımpıada oıyndary 9-25 aqpan aralyǵynda ótedi.
