Qysqy Olımpıada oıyndarynyń bastalýyna týra 10 kún qaldy
ASTANA. QazAqparat - Búgin Ońtústik Koreıanyń Phenchhan qalasynda ótetin XXIII Olımpıada oıyndarynyń bastalýyna týra 10 kún ýaqyt qaldy, dep habarlaıdy QazAqparat tilshisi.
Osyǵan deıin habarlaǵanymyzdaı tórtkil dúnıe kóz tigetin basty dodaǵa Qazaqstan quramasy 57 joldama jeńip alǵan bolatyn. Otandastarymyz sporttyń 9 túrinen synǵa túsedi.
Qazir sportshylar sońǵy oqý-jattyǵý jumystaryn júrgizip jatyr. Olımpıada qalashyǵyna qazaqstandyq sportshylardyń alǵashqy legi 1-shi aqpan kúni baryp ornalasa bastaıdy. Al sońy 7-shi aqpanǵa deıin jetip bolady. Bul kúni Olımpıada qalashyǵynda qazaqtyń kók baıraǵy kóteriledi.
Esterińizge sala ketsek, Phenchhandaǵy qysqa Olımpıada oıyndary aqpannyń 9-25 aralyǵynda ótedi. Olımpıadanyń ashylý saltanatynda el týyn short-trekshi Abzal Ájǵálıev ustap shyǵady.
