Qysqy Olımpıada oıyndarynyń bastalýyna 15 kún qaldy
Bıylǵy jyldyń basty dodasyna qazir Qazaqstan quramasy qyzý daıyndyq ústinde. Osydan birer kún buryn Almatyda ótken Olımpıadashylardy arnaıy shyǵaryp salý rásiminde QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Elsııar Qanaǵatov qysqy oıynǵa sportshylar 49 joldama jeńip alǵanyn jarııa etti. Sondaı-aq, joldamalar sany áli tolyǵatyny aıtylǵan edi.
HHІІІ qysqy Olımpıada oıyndarynda sporttyń 15 túrinen 102 medal jıyntyǵy sarapqa salynady. Qazaqstan quramasy sporttyń 9 túrinen el namysyn qorǵaıdy. Tórtjyldyqtyń basty dodasynda bas júlde jeńip alǵan sportshyǵa 250 myń AQSh dollary, kúmiske qol jetkizgen sportshyǵa 150 myń AQSh dollary jáne qola júldeger atanǵan sportshyǵa 75 myń AQSh dollary kóleminde memleket qazynasynan arnaıy syıaqy qarastyrylǵan.
Esterińizge sala keteıik, Qysqy Olımpıada oıyndary 9-25 aqpan aralyǵynda Ońtústik Koreıanyń Phenchhan qalasynda ótedi.
