Qysqy Olımpıada oıyndary týraly ne bilemiz
XXIII qysqy Olımpıada oıyndarynyń resmı ashylý saltanaty 9 aqpanǵa josparlanǵan. Al resmı jabylýy 25 aqpanda ótedi.
Esterińizde bolsa, eń alǵashqy qysqy Olımpıada oıyndary 1924 jyly Frantsııanyń Shamonı qalasynda bastaý alǵan bolatyn. Sodan qazirge deıin 22 ret jalaýy tutandy. Endi sanaýly aılardan keıin, naqtyraq aıtsaq, 2018 jyly 9-25 aqpan aralyǵynda Ońtústik Koreıanyń Phenchhan qalasynda XXIII qysqy Olımpıada oıyndary ótedi.
Osy oraıda qysqy Olımpıada oıyndarynyń tarıhyna qysqasha sholý jasap, oqyrman nazaryna usynǵandy jón sanadyq.
1924
І qysqy Olımpıada oıyndary Frantsııanyń Shamonı qalasynda ótti. Alǵash ret uıymdastyrylǵan dodaǵa álemniń 16 elinen 280 sportshy qatysty.
1928
ІІ qysqy Olımpıada oıyndary Shveıtsarııanyń Sankt-Morıts qalasynda uıymdastyryldy. 25 elden 464 sportshy jarysqa tústi.
1932
ІІІ qysqy Olımpıada oıyndary AQSh-tyń Leık-Plesıd qalasynda ótkizildi. 17 elden kelgen 252 sportshy baqtaryn synady.
1936
ІV qysqy Olımpıada oıyndaryn Germanııanyń Garmısh-Partenkırhen qalasy qabyldady. Júldege álemniń 28 elinen kelgen 646 sportshy talasty.
1948
V qysqy Olımpıada oıyndarynyń alaýy Shveıtsarııanyń Sankt-Morıts qalasynda ekinshi ret tutandy. Bul básekede 28 elden 669 sportshy baqtaryn synady.
1952
VI qysqy Olımpıada oıyndaryn Norvegııa astanasy Oslo qabyldady. 30 elden 694 sportshy synǵa tústi.
1956
VIІ qysqy Olımpıada oıyndaryn Italııanyń Kortına D'Ampetstso qalasy qabyldady. 32 elden 821 sportshy qatysty.
1960
VIІІ qysqy Olımpıada oıyndary AQSh-tyń Skvo-Velı qalasynda ótti. 30 elden 665 sportshy jarys jolyna shyqty.
1964
ІH qysqy Olımpıada oıyndary Avstrııanyń Insbýrk qalasynda alaýyn tutatty. Baıraqty básekege 36 elden 1091 sportshy keldi.
1968
H qysqy Olımpıada oıyndaryn ótkizý Frantsııanyń Grenobl qalasyna buıyrdy. 37 elden kelgen 1158 sańlaq júlde úshin talasqa tústi.
1972
HІ qysqy Olımpıada oıyndary Japonııanyń Sapporo qalasynda ótti. 35 eldiń 1006 sportshysy qatysty.
1976
HІІ qysqy Olımpıada oıyndaryn Avstrııanyń Insbýrk qalasy qabyldady. 37 elden kelgen 1123 sportshy júldege talasty.
1980
HІІІ qysqy Olımpıada oıyndarynyń alaýy AQSh-tyń Leık-Plesıd qalasynda tutandy. 37 eldiń úmitin arqalaǵan 1072 sportshy báske tústi.
1984
XIV qysqy Olımpıada oıyndaryn burynǵy ıÝgoslavııa memleketiniń Saraevo qalasy qabyldady. 49 elden 1272 sportshy qatysty.
1988
XV qysqy Olımpıada oıyndary Kanadanyń Kalgarı qalasynda ótti. Álemniń 57 elinen 1423 sportshy synǵa tústi.
1992
XVІ qysqy Olımpıada oıyndary Frantsııanyń Albervıl qalasynda uıymdastyryldy. 64 elden 1801 sportshy keldi.
1994
XVІІ qysqy Olımpıada oıyndaryn Norvegııanyń Lıllehamer qalasy qabyldady. Álemniń 69 elinen 1739 sportshy keldi. Baıraqty básekede Qazaqstan quramasy tuńǵysh ret qatysty.
Ataqty shańǵyshy Vladımır Smırnov 1 altyn, 2 kúmis jeńip aldy. Jalpykomandalyq esepte Qazaqstan 12 orynǵa ornalasty.
1998
XVІІІ qysqy Olımpıada oıyndarynyń alaýy Japonııanyń Nagano qalasynda tutandy. 72 elden 2302 sportshy qatysty. Qazaqstan quramasynan shańǵyshy Vladımır Smırnov pen konkımen júgirýshi Lıýdmıla Prokasheva qola medal jeńip aldy. Jalpykomandalyq esepte Belarýs Respýblıkasymen 20-21 oryndardy bólisti.
2002
XІH qysqy Olımpıada oıyndary AQSh-tyń Solt-Leık-Sıtı qalasynda ótti. 77 elden 2390 sportshy keldi. Qazaqstandyq sportshylar bul Olımpıadada júlde ala almady.
2006
XH qysqy Olımpıada oıyndary Italııanyń Týrın qalasynda jalaýyn jelbiretti. Jarys jolyna álemniń 80 elinen kelgen 2508 sportshy jarys jolyna shyqty. Bul joly da qazaqstandyq sportshylarǵa júlde buıyrmady.
2010
HHІ qysqy Olımpıada oıyndaryn Kanadanyń Vankýver qalasy qabyldady. 82 elden 2766 sportshy synǵa tústi.
Qazaqstandyq bıatlonshy Elena Hrýstaleva jekeleı synda kúmis medaldi jeńip aldy. Jalpykomandalyq esepte Qazaqstan men Estonııa elderi 25-26 oryndy ózara bólisti.
2014
HHІІ qysqy Olımpıada oıyndaryn Reseıdiń Sochı qalasy qabyldady. Baıraqty básekege álemniń 90 elinen 2800 sportshy qatysty.
Qazaqstan namysyn bul dodada 52 sportshy qorǵady. Sochıde mánerlep syrǵanaýdan erler arasyndaǵy jekeleı básekede Denıs Ten qos baǵdarlamada 255,1 upaı jınap, Qazaqstan qorjynyna qola júldeni saldy.
Osylaısha 2014 jyly Qazaqstan jalpykomandalyq esepte 26-oryndy ıelendi.
Endi aldaǵy Ońtústik Koreıanyń Phenchhan qalasynda ótetin XXIII qysqy Olımpıada oıyndarynda otandastarymyz budan da joǵary jetistikterge jetedi degen úmittemiz.
