Qysqy Olımpıada: Konkıshi Nadejda Morozova Olımpıadany 13-orynmen aıaqtady
NUR-SULTAN. QazAqparat - Beıjińdegi ótip jatqan Qysqy Olımpıada oıyndarynda áıelder arasynda konkıshiler muz aıdynǵa shyqty, dep habarlaıdy QazAqparat tilshisi.
Konkı boıynsha Qazaqstan quramasynan Nadejda Morozova birinshi bolyp jarysqa tústi. Ol áıelder arasynda 3000 m qashyqtyqty 4:04.97 ýaqytta júgirip ótti. Osylaısha, otandasymyz jarysqa shyqqan 30 sportshy ishinde 13-shi orynǵa turaqtap, júldegerler qatarynan kórine almady. Degenmen ol osy kórsetkishimen Qazaqstan rekordyn jańartty.
Esterińizge sala keteıik, jarystardy otandyq «Habar», «Qazaqstan», «Qazsport» jáne «Elarna» telearnalary tikeleı efırden kórsetip jatyr. XXIV qysqy Olımpıada oıyndaryna Qazaqstan quramasynan barlyǵy 34 sportshy qatysýda. Olar 87 joldama jeńip aldy.
