Qysqy Olımpıada: Búgin medaldar kestesiniń kóshbasshysy aýysty

BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndarynda jalpy medal kestesinde búgin Norvegııa quramasy Germanııany basyp ozdy, dep habarlaıdy QazAqparat tilshisi.

Beıjińde ótip jatqan Aq Olımpııa oıyndary bel ortasynan aýyp barady. Kún ótken saıyn medalǵa talas qyza túsýde. Búgin jalpy esepte Norvegııa quramasy 9 altyn, 5 kúmis, 7 qola (21) medalmen birnshi orynǵa kóterildi.

Al tórt kún qatarynan kósh basynan túspegen nemis quramasynyń qorjynyna búgin júlde buıyrmady.

Keshegi kúnge deıin jeńip alǵan 8 altyn, 5 kúmis, 1 qola (14) medalmen ekinshi orynǵa túsip qaldy.

Komandalyq jalpy esepte úzdik úshinshi oryndy túıindep turǵan AQSh quramasynyń enshisinde 6 altyn, 5 kúmis, 1 qola (12) medal jıyntyǵy bar.

Medal kórsetkishimen úzdik ondyqta turǵan elder:

1. Norvegııa - 9 altyn, 5 kúmis, 7 qola

2. Germanııa - 8 altyn, 5 kúmis, 1 qola

3. AQSh - 6 altyn, 5 kúmis, 1 qola

4. Nıderland - 6 altyn, 4 kúmis, 2 qola

5. Shvetsııa - 5 altyn, 3 kúmis, 3 qola

6. Avstrııa - 4 altyn, 6 kúmis, 4 qola

7. Reseı - 4 altyn, 5 kúmis, 8 qola

8. Qytaı - 4 altyn, 3 kúmis, 2 qola

9. Shveıtsarııa - 3 altyn, 0 kúmis, 5 qola

10. Frantsııa - 2 altyn, 6 kúmis, 2 qola

Aıta keteıik, dál búginge deıin Olımpıada medaline qol jetkizgen elder qatary 26-ǵa jetti.

Onyń ishinde 21 memlekettiń qorjynynda altyn medal bolsa, 23 memlekette kúmis júlde bar.

Sondaı-aq, Belgııa, Latvııa jáne Polsha elderiniń qorjyndarynda bir-bir qola medaldan bar.

Ókinishke qaraı Qazaqstan qorjyny ázirge bos.