Qysqy Olımpıada alaýynyń estafetasy toqtatyldy

ASTANA. QazAqparat - Ońtústik Koreıanyń Ulttyq olımpıadalyq komıteti Chhýnchhon-Namdo provıntsııasynyń Chechhon qalasynda bolǵan órt saldarynan osynda bolýy tıis olımpıada alaýynyń estafeta kezeńin toqtatty.

 Bul jaıly TASS Ońtústik Koreıa UOK-ǵa silteme jasap habarlaıdy.

«Órt qurbandary men zardap shekkenderdiń qurmetine estafeta rásimi jáne onyń kóńil kóterýshilik sharalary toqtatyldy», - delingen habarlamada. Olımpıada alaýynyń estafetasy senbi kúni Tanıan qalasynda jalǵastyrylady.

Beısenbi kúni oıyn-saýyq ortalyǵynyń segiz qabatty ǵımaratynda bolǵan órtten 29 adam qaza taýyp, taǵy 29 adam zardap shekti.

Koreıa Respýblıkasynyń Prezıdenti Mýn Chje In bul qaıǵyly oqıǵadan qaza tapqandardyń týystary men jaqyndaryna kóńil aıtyp, apat saldaryn azaıtýdy tapsyrdy.

Qysqy Olımpıada Ońtústik Koreıanyń Phenchhan qalasynda 2018 jylǵy 9-25 aqpanda ótedi.