Qysqy maýsymda 4,5 myńnan astam qutqarýshy kún saıyn jaýyngerlik kezekshilikke shyǵyp otyrmaq
ASTANA. QazAqparat - Qysqy merzimde 4,5 myńnan astam qutqarýshy kún saıyn jaýyngerlik kezekshilikte bolady. Bul týraly búgin QR Іshki ister mınıstri Tótenshe jaǵdaılar komıtetiniń tóraǵasy general-maıor Valerıı Petrov málim etti.
«Qazgıdromet» boljamy boıynsha jeltoqsan aıynyń úshinshi onkúndiginde jáne 2016 jyldyń qańtar aıynda aıaz kúsheıedi. Elimizdiń ońtústiginde, ońtústik-shyǵysynda jáne batysynda mınýs 27-37 gradýsqa deıin sýytady, ishinara batysta mınýs -42, soltústikte, shyǵysta jáne ortalyqta mınýs 36-46 gradýsqa deıin jetedi. Aqpan aıynda qar qalyń túsedi, aıaz aralas qatty jel bolmaq. Ótken jyldardaǵy qys mezgilinde bolǵan kúrdeli meteorologııalyq jaǵdaılar shuǵyl den qoıýdyń barlyq qyzmetterin muqııat daıarlaýdyń asa mańyzdy ekendigin kórsetti», - dedi A. Petrov.
Onyń sózine qaraǵanda, qys mezgiliniń qaýipsiz ótýi úshin qutqarý kúshteri men quraldary áýe kemeleri men ótimdiligi joǵary arnaıy tehnıkany qosa alǵanda joǵary ázirlik rejıminde tur.
«Kún saıyn jaýyngerlik kezekshilikke 4500-den astam qutqarýshy men 1000 birlik tehnıka shyǵyp otyrady», - dep atap ótti ol.
Ortalyq jáne jergilikti atqarýshy organdardyń birleken is-qımyldarynyń arqasynda kólik magıstralinda qar basatyn 1439 ýchaske anyqtaldy. Onda 13 myńǵa taıaý qardan qorǵaıtyn qalqan men 269 jaryqtandyrylǵan taqta ornatyldy. Respýblıkalyq avtojoldarda 949 jylytý pýnkti iske qosylǵan.
«Azamattardy aıaz jáne boran kúnderi alys jolǵa shyqpaýdy eskertemiz, ol Sizderdiń qaýipsizdikterińiz úshin», - deıdi general.
