Qysqy mal azyǵy qarqyndy daıyndalýda - Qyzylorda
Bul maqsatta oblys ákimi tapsyrmasymen arnaıy is-shara jospary bekitilgen. Soǵan sáıkes 769,9 myń tonna iri azyq pen 213,6 myń tonna jem daıarlaý mejelengen. Jospardy tolyǵymen oryndaý maqsatynda kásipkerlermen kelisimder jasalýda.
«Bıylǵy qysqa 769,9 myń tonna iri azyq daıyndaý josparlanǵan bolatyn. Osyǵan oraı, oblys boıynsha 663,0 myń tonna shóp daıyndalyp, qajettiliktiń 86,1 paıyzyn qurap otyr. Sondaı-aq qajetti jemniń 14,2%-yn qamtyldy. Kúrish jınaý naýqany bastalýyna oraı, onyń sabanyn órtemeı, josparly 172,5 myń tonna kúrish sabanyn jınap alý josparlanýda. Sondaı-aq, óńirdegi kúrish óńdeý kásiporyndary arqyly óz óndirisimizden 114,7 myń tonna kúrish qaldyǵyn jáne kúrish jemin óndirý josparda bar. Ol úshin jergilikti kásipkerlermen kelissózder júrgizildi», - dedi oblystyq aýyl sharýashylyǵy basqarmasynyń basshysy Talǵat Dúısebaev.
Aral aýdanynda qalyptasqan qýańshylyqqa baılanysty sharýalarǵa kómek kórsetý úshin tıisti sharalar atqarylýda. Atalǵan maqsatta oblys ákiminiń rezervinen 250 mln. teńge, «Aralym - aıdyn shalqarym» atty qaıyrymdylyq qory arqyly jergilikti kásipkerler, sondaı-aq aımaq fermerleri, túrli qaıyrymdylyq qorlary arqyly 262 mln. teńge tústi. Aýdan sharýalaryn tıisti jem-shóppen qamtamasyz etý ár aptanyń senbi kúni Aral aýdanda jem-shóp jármeńkesi uıymdastyrylýda.
Eske salsaq, Qyzylorda oblysynda kásipkerlik salasynda 8 myńǵa jýyq jańa jumys orny ashyldy.