Qysqy Azııada oıyndarynyń bizdiń elde ótýi Elbasy men birligi jarasqan halqymyzdyń arqasy - professor
ALMATY. 30 qańtar. QazAqparat /Ádilet Musahaev/ - Búkil qazaqstandyqtardy Azıada oıyndarynyń saltanatty ashylýymen quttyqtaımyn.
Bul jaıynda Almatydaǵy halyqaralyq aqparat taratý ortalyǵynda Azıada oıyndaryn tikeleı efırde kórip otyrǵan Abaı atyndaǵy opera jáne balet teatrynyń solısti, professor Shahmardan Ábilov QazAqparat tilshisine pikir bildirý kezinde aıtty.
«Elimizde ótip jatqan oıyn Qazaqstannyń bıik shyńdy baǵyndyrýy dep bilem. Keshe ǵana EQYU-ǵa tóraǵalyqty úlken abyroımen atqaryp, kúlli álemge úlken sharalardy ótkize alatyndyǵymyzdy taǵy bir ret dáleldedik»,-deıdi Sh.Ábilov.
«Bul - Elbasy men birligi jarasqan halqymyzdyń arqasy. Osy oıynda sportshylarymyz joǵary shyńdardan kórinip, el namysyn qorǵaıdy dep bilemin», -deıdi professor.
