Qysqy Azııa oıyndarynyń Alaýyn Ál-Kýáıtte tutandyrýdyń qazaqstandyq bastamasy dástúrge aınalýy múmkin - baspasóz máslıhaty
ASTANA. 31 qańtar. QazAqparat /Gúlmıra Álıakparova/ - Qysqy Azııa oıyndarynyń Alaýyn Azııa Olımpıadalyq keńesi (AOK) ornalasqan Ál-Kýáıt qalasynda tutandyrý bastamasy dástúrge aınalýy múmkin. Bul týraly búgin ótken baspasóz máslıhatynda belgili boldy.
AOK-nyń prezıdenti sheıh Ahmad ál-Fahad ál-Sabah atap kórsetkendeı, Azıada Alaýyn AOK shtab-páteri oryn tepken qaladan tutandyryp, ony Qazaqstanǵa jetkizý jáne qysqa ýaqyt ishinde el óńirlerimen Alaý estafetasyn ótkizý sony ıdeıa boldy.
Sheıhtyń aıtýynsha, Qazaqstannyń bul bastamasy aldaǵy ýaqytta qarastyrylyp, AOK Assambleıasynyń qaraýyna usynylady.
«Sebebi keıbir elder estafetany óz eliniń aýmaǵynda bastaýdy qalaıdy. Bul kóptegen elderdiń tájirıbesi. Tipti 1-inshi Oıyndardyń ózinde Taıland Koroli estafetany óz elinde bastaýdy jón kórdi. Bul elderdiń tarıhy ádettegi estafetany ótkizýdi qarastyrady. Biraq biz Qazaqstannyń eksperımentine taldaý júrgizip, zerdelep, Assambleıaǵa usynatyn bolamyz», - dedi ol.
Eske salaıyq, Qazaqstannyń usynysy boıynsha Qysqy Azııa oıyndarynyń Alaýy alǵash ret AOK ornalasqan qalada tutandyryldy.
