Qysqy Azııa oıyndarynyń Alaý estafetasyna Almaty qalasynan qatystyrylatyn alaýgerlerdiń sany 60-tan 80-ge deıin arttyryldy

Azııa oıyndary Alaý estafetasynyń dırektsııasy basshysynyń orynbasary Sársen Quranbektiń aıtýynsha, jýyrda Azııa oıyndaryn uıymdastyrý komıtetiniń atyna Almaty qalasynyń ákimi Ahmetjan Esimovten Alaý estafetasynyń Almaty qalasy boıynsha alaýgerler sanyn 60-tan 80-ge deıin arttyrý týraly usynys hat tústi.

Esterińizde bolsa, buǵan deıin bekitilgen keste boıynsha Alaý estafetasyna respýblıka boıynsha barlyǵy 1 myń adam, ıaǵnı 14 oblys pen Almaty qalasynan - 60, Astana qalasynan - 100 adam qatysýy tıis bolatyn.

«Almaty qalasy eldiń áleýmettik-ekonomıkalyq damýynda mańyzy zor iri megapolıs ekendigin jáne Azııa oıyndary ótkiziletin eki qalalardyń biri bolǵandyqtan usynys hatty qoldap, ol jóninde tıisti hatty Azııa Olımpıadalyq keńesiniń prezıdenti Sheıh Ahmad Ál-Fahd Ál Sabahqa joldadyq. Qazir jaýap kútip otyrmyz», - dedi S.Quranbek.

2011 jylǵy qańtardyń 12-si kúni Qazaqstanda 7-shi Qysqy Azııa oıyndarynyń Alaý estafetasy bastalady. Aıta keteıik, Olımpıada Alaýy estafetasy Qysqy Azııa oıyndarynyń tarıhynda tuńǵysh ret ótkizilgeli otyr. Qazir barlyq aımaqtarda oblys ákimderiniń tóraǵalyq etýimen estafeta alaýgerlerin irikteý komıssııalary qurylyp, azamattardan ótinimderdi qabyldap jatyr.

Buǵan deıin, alaýgerlerdi irikteýdi aldaǵy qazannyń 1-i kúni barlyq jerde bir mezgilde aıaqtaý belgilengen bolatyn. Keıin úmitkerlerdiń tizimin QR Týrızm jáne sport mınıstri, QR Ulttyq olımpıada komıtetiniń prezıdenti, tóraǵa orynbasary Temirhan Dosmuhambetov qarap, bekitýi tıis edi.

«Alaýgerlerdi irikteý ýaqyty jazǵy demalystar kezine túsip otyrǵandyqtan ony uzartýdy qarastyrýdamyz. Azııa Olımpıadalyq keńesiniń maquldaýyn kútip otyrmyz», - deıdi S.Quranbek.

Іrikteý aǵymdaǵy jylǵy maýsym aıynyń 1-inde bastaldy. Búgingi kúnge deıin ár oblysta alaýger bolý talaptaryna tolyǵymen sáıkes keletin 150-200 azamattyń ótinishteri jınaqtaldy. Máselen, Almaty oblysynda - 150 úmitker, Soltústik Qazaqstanda - 100-den artyq.

Aıta ketý kerek, Alaý estafetasyn ótkizýdegi basty maqsat - buqaralyq, onyń ishinde balalar men jasóspirimder arasynda sportty nasıhattaý bolǵandyqtan, irikteýdegi jas erekshelik 14 jasqa deıin tómendetildi.

«Elbasy Nursultan Nazarbaev óziniń Qazaqstan halqyna arnaǵan Joldaýynda da buqaralyq sportty damytý qajettigin jáne aldaǵy 7-shi Qysqy Azııa oıyndary barysynda soǵan nazar aýdarý qajettigin aıtqan bolatyn. Sondyqtan, astafetaǵa oblystardan jaýapty tulǵa retinde ákimder ǵana qatystyrylmaq. Alaýgerlerdiń 70 paıyzyn aýyldyq jerlerden, 30 paıyzyn qala halqy arasynan tańdaýdy josparlap otyrmyz», - dedi ol.

Estafeta barysynda árbir alaýger 200 metr qashyqtyqty júgirip ótýi tıis bolady. Estafetanyń jalpy qashyqtyǵy 15 myń shaqyrymnan astam. Olarǵa arnaıy avtokolonna ilesip júredi.