Qysqy Azııa oıyndarynda dopıngke qarsy baqylaý halyqaralyq talapqa saı bolady
ALMATY. Qazannyń 25-i. QazAqparat /Erbol Azanbek/ - 011 jyly Astana men Almaty qalalarynda ótetin 7-nshi Qysqy Azııa oıyndarynda dopıngke qarsy baqylaý halyqaralyq talapqa saı bolady. Bul týraly búgin Almatyda ótken baspasóz máslıhatynda oıyndardyń medıtsınalyq qaýipsizdik jónindegi bas sarapshysy Tólegen Dúısenov aıtty.
Onyń aıtýynsha, oıyndardy uıymdastyrý komıteti Medıtsınalyq qamtamasyz etý men Dopıngke qarsy baǵdarlamalaryn ázirlep, qabyldaǵan. Buǵan sáıkes 7-nshi qysqy Azııa oıyndarynda dopıngke qarsy baqylaýdy 30 ınspektor men 81 kómekshi qyzmetker atqarady. Bas sarapshynyń aıtýynsha, qazirgi kezde bul mamandar arnaıy daıyndyqtan ótkizilip bolǵan.
Sondaı-aq oıyndar ótkiziletin árbir nysanda halyqaralyq talaptarǵa sáıkes dopıngtik baqylaý stansylary ornatylady. Álemdik jáne Azııalyq rekord jańartqan barlyq sportshylar, medal ıelengender, aldyn-ala jáne sheshýshi jarystar kezinde kezdeısoq iriktelgen sportshylar mindetti túrde dopıngtik testten ótkiziletin bolady. Sonymen qatar dopıngti baqylaý aldyn-ala eskertýsiz, kez-kelgen jerde, kez-kelgen ýaqytta ótkizilmek.
