Qysqy Azııa oıyndary tarıhynda alǵash ret tikeleı translıatsııalar satyldy
ALMATY. 6 aqpan. QazAqparat /Erlik Erjanuly/ - Almaty men Astanadaǵy 7-qysqy Azııa oıyndary aqparattyq telearnalardan bólek aımaqtyq 11 telearnada kórsetildi.
Bul týraly «2011 jylǵy 7-qysqy Azııa oıyndaryn uıymdastyrý komıtetiniń atqarýshy dırektsııasy» AQ vıtse-prezıdenti Maǵjan Qanǵojın búgin Almatyda ótken baspasóz máslıhatynda aıtty.
«7-qysqy Azııa oıyndarynda osy qurylqty oıyndar tarıhynda alǵash ret sport jarystarynyń tikeleı translıatsııasy satyldy. Olardyń ishinde «Evronıýs», Ál-Jazıra jáne Qytaıdyń ortalyq telearnasy bar», - deıdi Maǵjan Mútallapuly.
Jalpy Azııa oıyndary 1951 jyldan beri 4 jylda bir ret ótetin eń iri sport dodasy bolyp sanalady. Esepteý Nıý-Delıde ótken birinshi oıynnan beri júrgizilip keledi. Oıyndardyń jalpy uzaqtyǵy - ashylý jáne jabylý saltanatyn qosa kem degende 7 jáne eń kóp degende 16 kúnnen artyq emes. Oıyn Halyqaralyq Olımpıada komıtetiniń (HOK) qadaǵalaýymen Azııalyq Olımpıada keńesimen (AOK) retteledi. AOK-tiń bas jáne tehnıkalyq dırektory Hýseın ál-Mýsallamnyń aıtýynsha, uıymda 28 sport túri men 65-teı halyqaralyq federatsııalar bar.
