Qysqy Azııa oıyndary kezinde barlyq qalalyq qyzmet qatańdatylǵan júıede jumys isteıdi-Almaty ákimi
ALMATY. 9 Qarasha. QazAqparat /Erbol Azanbek/- VII Qysqy Azııa oıyndary kezinde barlyq qalalyq qyzmet qatańdatylǵan júıege kóshiriledi. Bul týraly búgin Almatyda Azııadaǵa daıyndyq sharasyna arnalǵan keńes barysynda qala ákimi Ahmetjan Esimov aıtty.
Onda oıyndardyń bastalýyna 80 kún qalǵany aıtylyp, oıyndardy ótkizýge qalanyń daıyndyǵy pysyqtaldy. Qalalyq qurylymdar basshylarynyń Azııa oıyndaryna daıyndyǵy týraly baıandamasy tyńdaldy. Quzyrly organdardyń basshylarynyń aıtýynsha, qaladaǵy sporttyq sharalar ótetin barlyq nysandardyń qurylysy men jóndeý jumystary is júzinde aıaqtaldy deýge bolady. Sońǵy nysandardyń biri - «Medeý-Shymbulaq» kommertsııalyq aspaly joly paıdalanýǵa beriledi. Jeltoqsannyń ortasynda «Shymbulaq» demalys kesheni ashylady.
A.Esimov oıyndardyń daıyndyǵy men ótkizýdi jeke baqylaýyna alǵandyǵyn atap ótti. Sondaı-aq ol Talǵar aýdanynda ornalasqan «Tabaǵan» oıyn-saýyq keshenine nazar aýdardy. Óıtkeni keshende osy aıda testtik jarystar ótedi. Esterińizge sala keteıik, alǵashqy testtik saıystar halyqaralyq shańǵy kesheninde ótken bolatyn. Onda 12 eldiń sportshylary shańǵy tuǵyrynan sekirýden saıysqa túsken edi. Búginde bul nysan álemdegi eń úzdik sporttyq keshenderdiń qataryna jatqyzylyp otyr.
