Qysqy Azıada kezinde Astana qalasyn elektr energııasymen qajetti kólemde qamtamasyz etýge tolyq múmkindik bar

Bul týraly búgin elordadaǵy energetıkalyq nysandardyń jumysymen tanystyrý kezinde «KEGOC» AQ «Aqmola JET» fılıalynyń bas ınjeneri Vasılıı Ierg aıtty.

«Bıyl elorda mańyndaǵy qosalqy stansada tıisti jóndeý jumystary atqyryldy. Atap aıtqanda, bizdiń jabdyqtar Astanada ótetin qysqy Azııadaǵa 100 paıyzǵa daıyn»,-dedi bas ınjener.

Onyń sózine qaraǵanda, EQYU jáne aldaǵy Azıada qarsańynda energetıkalyq múmkindikti arttyrý úshin jaqynda qalalyq ortalyq qosalqy stansadaǵy AT-125 transformatory budan da qýatty AT-250 jabdyǵyna aýystyrylǵan.

«Osy oraıda biz bul qýatty transformator arqyly sporttyq sharalar kezinde qajetti elektr energııasynyń qoryn qamtamasyz ete alamyz. Eger energııany paıdalaný deńgeıi artqannyń ózinde bizde 220 MVA kóleminde rezerv bolady»,-dedi V. Ierg.

Aıta keteıik, 2005-2010 jyldar aralyǵynda elordadaǵy energııany tutyný deńgeıi 30 paıyzǵa artty.