Qysqy aıazda «qatyp qalǵan» turǵyn úıler boıynsha tekseris júrgiziledi - I. Tasmaǵambetov
ASTANA. 17 sáýir. QazAqparat - Astana ákimi Imanǵalı Tasmaǵambetov qysqy maýsymda jylýmen jáne sýmen qamtamasyz etýde qıyndyq kórgen nysandarda arnaıy tekserý júrgiziletindigin málim etti.
«Jylytý mýsymy kezinde Astanada jańadan paıdalanýǵa berilgen birqatar áleýmettik jáne turǵyn úı nysandaynda temperatýrlyq rejimdi saqtaý baǵytynda problemalar anyqtaldy», - dedi I. Tasmaǵambetov seısenbi kúni ótken keńeste.
Onyń atap ótkenindeı, nysandardaǵy temperatýra Astananyń aýa-raıyna saı belgilengen talap pen smetaǵa sáıkes kelmegen.
«Sonymen qatar sýmen qamtamasyz etý men kárizdik jelilerge qatysty da narazylyqtarymyz bar», - dep atap kórsetti qala basshysy.
«Atalǵan jaǵdaılar boıynsha biz jete tekserý ótkizemiz, qajet bolsa quqyq qorǵaý organdaryn tartamyz», - dedi ol.
Jalpy qala ákimi ekstremaldy tómen temperatýra tirkelgen ótken qysta energetıka, jylýmen qamtamasyz etý jáne basqa da nysandardyń jumysyna úlken syn bolǵandyǵyn atap ótti.
