Qysqy Astananyń kelbeti kókten túsirilgen vıdeo paıda boldy
ASTANA. QazAqparat - «Open.kz» jobasy qysqy Astananyń kókten túsirilgen vıdeosyn jarııalady, dep habarlaıdy QazAqparat.
«Open.kz» - Qazaqstanǵa esik ash jobasy Qazaqstannyń ınvestıtsııalyq, ekonomıkalyq, mádenı tartymdylyǵyna arnalǵan joba.
«Qurmetti oqyrmandar. 2017 jyly sıqyrǵa toly Qazaqstanǵa saıahattap, talantty qazaqstandyqtar týraly, elimizdiń salt-dástúri men qazirgi jetistikteri týraly jańalyqtar aıtamyz. Jańa jyldaǵy alǵashqy vıdeomyz - Qazaqstannyń elordasy - Astana qalasynyń jańa jyldyq kelbeti týraly bolmaq»,-dep jazǵan joba avtorlary áleýmettik jelide taratqan vıdeonyń astyna.
Esterińizge sala keteıik, Astana qalasy ákimdiginiń Mádenıet basqarmasy habarlaǵandaı, Jańa jyl merekesine oraı elordada 37 shyrsha konstrýktsııasy ornatylǵan bolatyn. Budan ózge, qalanyń birneshe kóshesinde ornatylǵan sáýleti men pishini erekshe 3D formatty bezendirýler, «Sıqyrly kúrke», «Muz buǵysy» sııaqty 20 túrli «sıqyrly» formalar, sondaı-aq «Qazaq eli» monýmenti, «Otan qorǵaýshylar» alańy, jańa Oqýshylar saraıy, Saryarqa aýdandyq ákimdigi aldyndaǵy alańdarda boı tepken sýburqaq ispetti qurylymdar.
«Open.kz» jobasynyń kókten túsirilgen vıdeosynda Astananyń jańa jyldyq kelbetin tolyq tamashalaýǵa bolady.
