Qysqy Astana qala turǵyndaryn qýantpaq
ASTANA. QazAqparat - Qys maýsymynda elorda turǵyndary, ásirese, kishkentaı balalar úshin dástúrli túrde muz aıdyndar, syrǵanaqtar ashylady. Atap aıtqanda, «Han shatyr» OSO aldyndaǵy alańda qaladaǵy eń úlken muz aıdyny paıda bolady, elordanyń bas shyrshasy da osynda ornatylady.
Astana qalasy ákimdigi janyndaǵy alań men Esil ózeni jaǵalaýynda da muz aıdyny men syrǵanaqtar ashylady. Sonymen qatar túrli músinder ornatylatyn qysqy qalashyq boı kótermek. Elorda mektepteriniń aýlasynda qosymsha 11 muz aıdyny jasalady, dep habarlaıdy astana.kz.
Qala turǵyndary men qonaqtary úshin jeke turǵyn alaptary men keshenderinde, Aqbulaq ózeniniń boıynda, «Jeruıyq» saıabaǵynda jáne Oqýshylar saraıy mańynda osyndaı syrǵanaqtar paıdalanýǵa beriledi. Qala turǵyndarynyń yńǵaılylyǵy úshin Prıgorodnyı, Ilınka jáne Zarechnyı eldi mekenderinde de arnaıy muz aıdyndar ashylmaq. «Araı» saıabaǵynda, «Kóktal turǵyn alabyndaǵy «Naz» teatry aldynda jáne Óndiris eldi mekenindegi № 49 orta mekteptiń janynda da óz ýaqyttaryn tıimdi ótkize alady. Qysqy Astana belsendi demalysqa qumar qala turǵyndary men qonaqtary úshin túrli qyzyqqa toly bolmaq.
