Qysqartýǵa ushyraǵan jumysshylar 6 aı boıy áleýmettik tólem ala alady

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Birjan Nurymbetov qysqartýǵa tap bolǵan jumysshylardyń quqyqy jóninde túsinikteme berdi, dep habarlaıdy QazAqparat tilshisi.

Onyń aıtýynsha, jumys berýshi qyzmetkerge qysqartý týraly bir aı buryn eskertýge mindetti jáne bir aılyq eńbekaqy kóleminde ótemaqy tóleýi tıis.

«Qazirgi ýaqytta biz ózimiz jumysshylardyń qysqarýy múmkin degen jaǵdaıǵa monıtorıng júrigizip otyrmyz. Osy jyldan bastap, Memlekettik saqtandyrý týraly zańǵa ózgerister engizip úlgerdik. Bul ózgerister boıynsha, eger jumystan aıyrylyp qalsańyz, onyń sebebine qaramastan Memlekettik saqtandyrý qorynan 6 aı boıy áleýmettik tólem alýǵa quqyńyz bar», - dedi mınıstr Ortalyq kommýnıkatsııalar qyzmetinde ótken brıfıngte.

Ol áleýmettik tólemniń mólsheri joǵaltqan jalaqynyń orta eseppen 40 paıyzyn quramaq.

«Bul úshin jumystan aıyrylyǵan azamat qashyqtyqtan jumyspen qamtý ortalyǵyna jumyssyz retinde tirkelýi jetkilikti. Keıinirek proaktıvti túrde áleýmettik tólem taǵaıyndalyp, alty aı boıy tólenedi», - dedi B. Nurymbetov.

Aıta keteıik, 2020 jyldyń 1 qańtarynan bastap, mindetti áleýmettik saqtandyrý týraly zańnamaǵa ózgerister enip, áleýmettik tólemderdiń kólemi artty.

Buǵan deıin mınıstr qashyqtyqtan jumys isteý múmkindigi bar barlyq kásiporyndar men mekemeler osy rejımge aýysýǵa mindetti ekenin málimdedi.

Sondaı-aq, jumys kólemi shekteletin bolsa, jumys berýshiler ózderiniń buıryǵymen qysqartylǵan jumys rejımine kóshýge quqyly.

Tótenshe jaǵdaıǵa baılanysty QR Prezıdenti Qasym-Jomart Toqaev el halqyna úndeý joldady. Úndeýdiń tolyq mátini arnaıy jarııalandy.