Qysqartýǵa ushyraǵan qyzmetkerlerdi basqa jumysqa beıimdeý máselesin oılastyrý qajet - professor M.Sársembekov
ASTANA. Qazannyń 26-sy. QazAqparat /Arman Asqarov/ - Qazaqstannyń memlekettik organdaryndaǵy qysqartýlarǵa ushyraǵan qyzmetkerlerdi basqa jumysqa beıimdeý máselesin oılastyrý qajet.
Búgin Astanada ekonomıkalyq daǵdarystan keıin Shyǵys Eýropa jáne Ortalyq Azııa aımaǵyndaǵy memlekettik basqarý reformalaryn qaıta qarastyrý máselelerine arnalǵan halyqaralyq «dóńgelek ústel» otyrysy aıasynda suhbat bergen zań ǵylymdarynyń doktory, professor Marat Sársembekov osylaı málim etti.
Onyń aıtýynsha, elimizdiń memlekettik organdaryndaǵy qysqartýlar - álem boıynsha oryn alǵan ekonomıkalyq daǵdarystyń keri áseri. «Árıne, osyndaı is-sharalar memlekettik basqarýdyń tıimdiligin arttyrýǵa baǵyttalyp otyr. Biraq biz óz kezegimizde osy qysqartýlarǵa ushyraǵan qyzmetkerlerdi basqa jumysqa beıimdeý máselesin oılastyrýymyz qajet. Sebebi 26 myń adam az emes», - deıdi M.Sársembekov.
