Qysqartpaý turǵysynda JOO-lardyń múddesin qorǵaıtyn adamdar barlyq ortalyq organdarda bar - B. Jumaǵulov
ASTANA. 26 naýryz. QazAqparat - Keıbir oqý oryndaryn qysqarpas úshin olardyń múddesin qorǵaıtyn adamdar barlyq ortalyq organdarda bar.
Bul týraly búgin Úkimet otyrysynan keıin QR Bilim jáne ǵylym mınıstri Baqytjan Jumaǵulov málim etti.
«Bul eshkimge de qupııa emes. Sondyqtan da men búgin bul baǵyttaǵy jumystar ońaıǵa túspeıtinin aıtamyn. Alaıda, biz bul turǵyda tıisti sharalardy atqarýdamyz», - dedi mınıstr.
Vedomstvo basshysynyń sózine qaraǵanda, álemdik tájirıbe boıynsha 1 mln. halyqqa ortasha eseppen 6 joǵary oqý ornynan keledi eken.
«Eger de 17 mln. adamdy 6-ǵa kóbeıtetin bolsaq, onda Qazaqstanda shamamen 100 JOO bolýy tıis»,-dep túsindirdi B. Jumaǵulov.
Bul turǵyda mınıstr Qazaqstanda búginde 13 joǵary oqý orny áskerı jáne quqyq qorǵaý organdary qyzmetkerlerin daıarlaıtynyn sóz etti.
B. Jumaǵulovtyń aıtýynsha,Qazaqstanda joǵary oqý oryndaryn qysqartýdy búgingi jaǵdaı talap etýde, ıaǵnı keıbir JOO-da 200 ǵana stýdent bilim alyp jatyr eken. Bul oqý oryndary kezinde 30 mamandyq boıynsha bilim berý úshin lıtsenzııaǵa qol jetkizgen kórinedi.
«Elbasynyń tapsyrmasy boıynsha joǵary oqý oryndaryn ońtaılandyrý júrgizilýde. Qazirgi ýaqytta olardyń sany 149-dan 136-ǵa deıin qysqartyldy. Tájirıbe kórsetkendeı, kommertsııalyq joǵary oqý oryndarynyń kópshiligi bilim berý sapasy jaǵynan syn kótermeıdi. Sondyqtan, taıaýdaǵy úsh jyl ishinde olardyń sanyn 66-dan 30-ǵa deıin qysqartý josparlanýda», - dedi mınıstr Úkimet otyrysynda.
