Qysqa ýaqytta jańa Parlamenttiń quramyn jasaqtap, zańdylyǵyn bekitip alýymyz shart - «Jas Otan»
«Keshe Parlament Májilisiniń depýtattary Májilis pen barlyq deńgeılerdegi máslıxattardyń saılaýyn ótkizý jóninde usynys tastady. Biz bul bastamany tolyqtaı qoldaımyz. Bıyldan bastap «Ult Josparynyń» praktıkalyq jyly bastalady. Osy qysqa aralyqta bizge jańa Parlamenttiń quramyn jasaqtap, onyń zańdylyǵyn bekitip alýymyz shart. Ekinshiden, álemde úlken daǵdarys oryn alyp jatyr. Osy turǵyda Parlament jáne jergilikti máslıxattyń saılaýyn qatar ótkizý, bıýdjettik qarajattyń únemdelýine de oń áser eter edi», - dep atap ótti ol tilshilerge bergen suxbatynda.
Onyń aıtýynsha, xalyqaralyq geosaıası jaǵdaı ýaqyt ótken saıyn turaqsyz bolyp barady. Osy turǵyda Qazaqstan qysqa ýaqytta óz ekonomıkasyn jańǵyrtýdy, sondaı-aq Elbasynyń 5 ınstıtýtsıonaldy reformalaryn oryndaý boıynsha «100 naqty qadamdy» tıimdi júzege asyrýy qajet.
