Qysqa merzimdi ekonomıkalyq ındıkatordyń ósimi 8,3 paıyzdy qurady
ASTANA. Sáýirdiń 13-i. QazAqparat /Rýslan Ǵabbasov/ - Qysqa merzimdi ekonomıkalyq ındıkatordyń ósimi 8,3 paıyzdy qurady. Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov aıtty,
dep habarlaıdy QazAqparat.
«Qysqa merzimdi ındıkator bıylǵy jyldyń qańtar-naýryzynda 2009 jyldyń osy kezeńine qaraǵanda 108,3 paıyzdy qurady. Oǵan sebep bolǵan ónerkásip óndirisiniń kólemi 11,5 paıyzǵa ósti, al aýyl sharýashylyǵynyń deńgeıi 2,4 paıyzǵa artty, sondaı-aq júk aınalymynyń kólemi 2,5 paıyzǵa ósti»,-dedi agenttik basshysy.
Onyń sózine qaraǵanda, esepti kezeńde bólshek saýda taýar aınalymy 10,5 paıyzǵa, kóterme saýda taýar aınalymy 11,9 paıyzǵa joǵarylaǵan.
«ıAǵnı 6 bazalyq óndiristerdiń (aýyl sharýashylyǵy, ónerkásip, kólik, qurylys, saýda men baılanys salalary qamtylǵan) ósýine baılanysty bıyl jyldyń qańtar-naýryzynda qysqa merzimdi ekonomıkalyq ındıkatordyń 8,3 paıyzǵa ósýin baıqadyq»,-dedi Á. Smaıylov.
