Qysqa merzimdi ekonomıkalyq ındıkator ótken jylǵa qaraǵanda 8 paıyzǵa joǵarylady - J. Aıtjanova
ANA. Qazannyń 12-si. QazAqparat /Rýslan Ǵabbasov/ - Damý dınamıkasyn sıpattaıtyn qysqa merzimdi ekonomıkalyq ındıkator ótken jylǵa qaraǵanda 8 paıyzǵa ósti.
Bul týraly búgin Úkimet otyrysyndaaǵymdaǵy jyldyń 9 aıynyń qorytyndysy boıynsha baıandama jasaǵan Ekonomıkalyq damý jáne saýda mınıstri Janar Aıtjanova málim etti.
«Ekonomıkanynyń basty 6 salasynyń, atap aıtqanda ónerkásip, aýyl sharýashylyǵy, saýda, qurylys, kólik, baılanys salalarynyń damý dınamıkasyn sıpattaıtyn qysqa merzimdi ekonmıkalyq ındıkator ótken jyldyń sáıkes kezeńimen salystyrǵanda 8 paıyzǵa ósti», - dedi J. Aıtjanova.
Onyń sózine qaraǵanda, Qazaqstannyń eksportqa baǵyttalǵan ónimderine álemdik naryqtaǵy baǵanyń joǵarylaýy, sonymen qatar ishki suranystyń ósýine baılanysty ónerkásip óniminiń kólemi ótken jyldyń sáıkes kezeńimen salystyrǵanda 10,4 paıyzǵa ulǵaıdy. «Atap aıtqanda, óńdeý ónerkásibi ónimderiniń kólemi 19,1 paıyzǵa, taý-ken ónerkásibi ónimderiniń kólemi 5 paıyzǵa artty», dedi mınıstr.
Onyń aıtýynsha, aýyl sharýashylyǵy ónimderiniń jalpy kólemi bıylǵy jyldyń qańtary men qyrkúıek aılary aralyǵynda 2009 jyldyń sáıkes kezeńimen salystyrǵanda 4,1 paıyzǵa tómendedi. Oǵan ósimdik sharýashylyǵy óniminiń byltyrǵy jyldyń joǵary kórsetkishterine qaraǵanda tómen bolýy, sondaı-aq qolaısyz aýa raıy sebep boldy. Sonymen qatar ónerkásip salasynyń qarqyndy damýy kóliktiń barlyq túrimen júk tasymaldaý kólemi 18,7 paıyzǵa, baılanys qyzmeti kóleminiń 4,9 paıyzǵa jáne saýdanyń 12,9 paıyzǵa artýy yqpal etti.
