Qysqa merzimdi ekonomıkalyq ındıkator ósimi 8,8 paıyzdy qurady - Statıstıka agenttigi
ASTANA. Mamyrdyń 14-i. QazAqparat /Ernur Aqanbaı/ - Elimizde qysqa merzimdi ekonomıkalyq ındıkator 2010 jylǵy qańtar-sáýirde 2009 jylǵy qańtar-sáýirge qaraǵanda 108,8 paıyzdy qurady.
Bul týraly QazAqparat QR Statıtıka agenttigine silteme jasap habarlaıdy.
Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-niń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
Agenttiktiń málimetinshe, 2010 jylǵy qańtar-sáýirde ónerkásip óndirisiniń kólemi qoldanystaǵy baǵalarda 3651,9 mlrd. teńgeni qurady, bul 2009 jylǵy qańtar-sáýirge qaraǵanda 11,8 paıyzǵa artyq. Ken óndirý ónerkásibinde jáne karerlerdi qazýda - 7,5 paıyz, óńdeý ónerkásibinde - 20,4paıyz, elektrmen jabdyqtaý, gaz, bý berý jáne aýa baptaýda 9,4 paıyz, sýmen jabdyqtaýda: káriz júıesi, qaldyqtardy jınaý jáne bólýde baqylaýda - 7,9 paıyz óndiris ósimi baıqaldy. 2010 jylǵy qańtar-sáýirde aýyl sharýashylyǵy jalpy óniminiń kólemi 200,3 mlrd. teńgeni qurap, 2009 jylǵy qańtar-sáýirmen salystyrǵanda 2,7 paıyzǵa artty.
