Qysqa merzimdi ekonomıkalyq ındıkator ósimi 6,7 paıyzdy qurady
ASTANA. 13 maýsym. QazAqparat /Qanat Mámetqazyuly/ - 2011 jyldyń bes aıynda elimizdiń qysqa merzimdi ındıkator ósimi 6,7 paıyzdy qurady. Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.
«Qysqa merzimdi ekonomıkalyq ındıkator 2011 jylǵy qańtar-mamyrda 2010 jylǵy qańtar-mamyrǵa qaraǵanda 106,7 paıyzdy qurady. Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-ń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi», - delingen agenttiktiń taratqan baspasóz aıǵaǵynda.
Bul rette 2011 jylǵy qańtar-mamyrda ónerkásip óndirisiniń kólemi qoldanystaǵy baǵalarda 6363,1 mlrd. teńgeni quraǵan. Bul 2010 jylǵy qańtar-mamyrmen qaraǵanda 5,8 paıyzǵa artyq. Sonymen qatar, ken óndirý ónerkásibinde jáne karerlerdi qazýda - 4 paıyzǵa, óńdeý ónerkásibinde - 8,7 paıyzǵa, elektrmen jabdyqtaý, gaz, bý berý jáne aýa baptaýda - 6,7 paıyzǵa, sýmen jabdyqtaýda, káriz júıesi, qaldyqtardy jınaý jáne bólýdi baqylaýda - 2,5 paıyzǵa óndiris ósimi baıqalypty.
Budan bólek, 2011 jylǵy qańtar-mamyrda aýyl sharýashylyǵy jalpy óniminiń kólemi 328,6 mlrd. teńgeni qurap, bul 2010 jylǵy qańtar-mamyrmen salystyrǵanda 1,6 paıyzǵa artqan. Al esepti kezeńdegi júk aınalymynyń kólemi 159 mlrd. tshm (kommertsııalyq júk tasymaldaýmen aınalysatyn kóliktik emes uıymdar men kásipkerlerdiń júk aınalymy kóleminiń baǵalaýy esebimen) qurap, 2010 jylǵy tıisti kezeńmen salystyrǵanda 14,1 paıyzǵa ósken.
