Qysqa merzimdi ekonomıkalyq ındıkator ósimi 4,2 paıyzdy qurady

dep habarlaıdy rm.kz saıty QR Statıstıka agenttiginiń baspasóz qyzmetine silteme jasap.

Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-ń 67-68%-n quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.

2012 jylǵy qańtar-mamyrda negizgi kapıtalǵa salynǵan ınvestıtsııalar kólemi 1541,3 mlrd. teńgeni qurdy, bul ótken jylǵy sáıkes kezeńge qaraǵanda 5,9% artyq.

2012 jylǵy qańtar-mamyrda ónerkásip óndirisiniń kólemi qoldanystaǵy baǵalarda 6775,3 mlrd. teńgeni qurdy, bul 2011 jylǵy qańtar-mamyrǵa qaraǵanda 2,3% artyq. Ken óndirý ónerkásibinde jáne karerlerdi qazýda óndiris kólemi 0,2% tómendedi. Óńdeý ónerkásibinde  6,8%, elektrmen jabdyqtaý, gaz, bý berý jáne aýa baptaýda 6,5% artty. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda 1,6% óndiris tómendeýi baıqaldy.

2012 jylǵy qańtar-mamyrda aýyl sharýashylyǵy jalpy óniminiń kólemi 345,8 mlrd. teńgeni quryp, 2011 jylǵy qańtar-mamyrmen salystyrǵanda 6,3% kem.

2012 jylǵy qańtar-mamyrda júk aınalymynyń kólemi 183,2 mlrd. tkm (kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) quryp, 2011 jylǵy tıisti kezeńmen salystyrǵanda 15,2% ósti.

Esepti kezeńde bólshek saýda kólemi (qoǵamdyq tamaqtandyrý aınalymynsyz) 1570,7 mlrd. teńgeni qurap, 2011 jylǵy qańtar-mamyrmen salystyrǵanda 11,9%, kóterme saýda kólemi 3884,8 mlrd. teńgeni qurap, 2011 jylǵy qańtar-mamyrmen salystyrǵanda 15,5%, tamaq ónimderi men sýsyndardy usyný boıynsha qyzmetter kólemi 75,1 mlrd. teńgeni qurady jáne 2011 jylǵy qańtar-mamyrmen salystyrǵanda 12,6% ósti.

2012 jylǵy qańtar-sáýirde syrtqy saýda aınalymy 41928,7 mln. AQSh dollaryn qurap, 2011 jylǵy qańtar-sáýirmen salystyrǵanda 21,6% ósti, onyń ishinde eksport - 29480,5 mln. AQSh dollaryn (18,4% ósti), ımport - 12448,2 mln. AQSh dollaryn qurady (30% ósti).

2012 jylǵy 1 maýsymdaǵy jaǵdaı boıynsha tirkelgen zańdy tulǵalardyń sany 309364 birlikti qurap, ótken jylǵy sáıkes kezeńmen salystyrǵanda 5,8% artty, onyń ishinde 50 adamnan kem qyzmetkerleri bar - 293053 birlik. Jumys istep turǵan zańdy tulǵalardyń sany 171344 qurady, onyń ishinde 156091 birlik - shaǵyn kásiporyndar. Respýblıkadaǵy tirkelgen shaǵyn kásipkerlik sýbektileriniń sany (zańdy tulǵalar) 223354 birlikti qurady jáne ótken jylǵy tıisti kezeńmen salystyrǵanda 6,2% artty.

Tutyný baǵa ındeksi 2012 jylǵy mamyrda 2011 jylǵy jeltoqsanmen salystyrǵanda 102,4% qurady. Azyq-túlik taýarlaryna baǵalar - 2,2%, azyq-túlik emes taýarlar - 1,6%, aqyly qyzmetter kórsetýge - 3,5% artty. Ónerkásip ónimin óndirýshi kásiporyndar baǵalary 2012 jylǵy mamyrda 2011 jylǵy jeltoqsanmen salystyrǵanda 5,1% artty.

2012 jylǵy sáýirde halyqtyń ortasha jan basyna shaqqandaǵy ataýly aqshalaı tabystary baǵalaý boıynsha 49450 teńgeni qurady. Ósim 2011 jylǵy sáýirmen salystyrǵanda ataýly aqshalaı tabystar úshin 13,8%, naqty aqshalaı tabystar úshin - 8,6% qurady.

2012 jylǵy sáýirde qyzmetkerlerge eseptelgen ortasha aılyq ataýly jalaqy 97568 teńgeni qurady. 2011 jylǵy sáýirge qaraǵanda 17,2% ósti. Naqty jalaqy ındeksi 2011 jylǵy sáýirge 111,8% qurady.

2012 jylǵy mamyrdaǵy jumyssyzdar sany baǵalaý boıynsha 473,6 myń adamdy qurady. Jumyssyzdyq deńgeıi ekonomıkalyq belsendi halyq sanyna 5,3% qurady. Jumyspen qamtý organdarynda jumyssyzdar retinde tirkelgender sany 2012 jylǵy mamyrdyń  sońyna 70,5 myń adamdy qurady nemese ekonomıkalyq belsendi halyq sanyna 0,8%. Jasyryn jumyssyzdyq deńgeıi baǵalaý boıynsha ekonomıkalyq belsendi halyq sanynyń 0,3% qurady.