Qysqa merzimdi ekonomıkalyq ındıkator ósimi 3,8 paıyzdy qurady - QR Statıstıka agenttigi
ASTANA. 15 aqpan. QazAqparat - 2012 jylǵy qańtarda 2011 jylǵy osy kezeńge qaraǵanda qysqa merzimdi ekonomıkalyq ındıkator 103,8 paıyzdy qurady.
Bul týraly búgin Astanada bıylǵy qańtardaǵy áleýmettik-ekonomıkalyq damýǵa arnalǵan brıfıngte QR Statıstıka agenttiginiń tóraǵasy Álıhan Smaıylov málim etti.
Atalǵan ındıkator ІJÓ-niń 68 paıyzyn quraıtyn aýyl sharýashylyǵy, ónerkásip, saýda, qurylys, kólik jáne baılanys sekildi negizgi salalar boıynsha negizdeldi.
«Bıylǵy qańtarda negizgi kapıtalǵa salynǵan ınvestıtsııalar kólemi 193 mlrd. teńgeni qurap, bul ótken jyldyń osy kezeńimen salystyrǵanda 3,3 paıyzǵa kem boldy»,-dedi tóraǵa.
Onyń aıtýynsha, ótken aıda ónerkásip óniminiń kólemi qoldanystaǵy baǵalarda 1 trln. 299 mlrd. teńgen qurap, 1,9 paıyzǵa ósti. Onyń ishinde ken óńdeý ónerkásibinde óndiris kólemi ótken jylǵy deńgeıge sáıkes, óńdeý ónerkásibinde - 5 paıyz ósim, sondaı-aq elektr, gaz, bý berý salasynda ósim 7,5 paıyzǵa jetti. Budan basqa, qańtarda aýyl sharýashylyǵy jalpy ónimniń kólemi 60 mlrd. teńgeni qurady. Byltyrǵy jyldyń bul kezeńimen salystyrǵanda 4,7 paıyzǵa kem boldy.
