Qysqa merzimdi ekonomıkalyq ındıkator ósimi 102,7 paıyzdy qurady
ASTANA. 15 qazan. QazAqparat - Bıylǵy qańtar-qyrkúıekte negizgi kapıtalǵa salynǵan ınvestıtsııalar kólemi 3536,4 mlrd. teńgeni qurady. Bul kórsetkish ótken jylǵy sáıkes kezeńge qaraǵanda 3,3 paıyzǵa artyq. Bul týraly búgin QR Statıstıka agenttiginde málim boldy.
Atap aıtqanda, qysqa merzimdi ekonomıkalyq ındıkator 2012 jylǵy qańtar-qyrkúıekte ótken jyldyń sáıkes kezeńimen salystyrǵanda 102,7 paıyzdy qurady. Budan bólek, atalǵan merzimde ónerkásip óndirisiniń kólemi qoldanystaǵy baǵalarda 12086,1 mlrd. teńgeni qurady. Bul 2011 jyldyń tıisti kezeńine qaraǵanda, 0,5 paıyzǵa artyq. Ken óndirý ónerkásibinde jáne karerlerdi qazýda óndiris kólemi ótken jyldyń deńgeıinde saqtaldy.
Óńdeý ónerkásibinde óndiris 0,6 paıyzǵa, elektrmen jabdyqtaý, gaz, bý berý 4,4 paıyzǵa artty.
Sondaı-aq, sýmen jabdyqtaýda, káriz júıesi, qaldyqtardy jınaý jáne bólinisti baqylaýda óndiris 7,2 paıyzǵa tómendedi.
