Qysqa merzimdi ekonomıkalyq ındıkator 2,6 paıyzǵa ósti - statıstıka
ASTANA. 14 aqpan. QazAqparat - Qysqa merzimdi ekonomıkalyq ındıkator 2013 jylǵy qańtarda 2012 jylǵy qańtarǵa qaraǵanda 2,6 paıyz artyq boldy. Bul týraly Statıstıka agenttiginiń tóraǵasy Álıhan Smaıylov búgin ótken brıfıngte málimdedi.
Onyń aıtýynsha, qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-ń 67-68%-yn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
«2012 jylǵy qańtar-jeltoqsanda jedel derekter boıynsha Jalpy ishki ónim kólemi aǵymdaǵy baǵalarda 30 trln. 072,5 mlrd. teńgeni qurady. 2011 jylǵy tıisti kezeńmen salystyrǵanda naqty JІÓ-niń ósýi 5 paıyzdy qurdy. JІÓ qurylymynda taýar óndirý úlesi JІÓ-nen 40,7 paıyzdy qurady, qyzmet kórsetý - 52,9 paıyz», - dep atap ótti ol.
