Qysqa deıin «Taldyqorǵan-Qalbataý-Óskemen» avtojolyndaǵy jumysty aıaqtaý týraly tapsyrma berildi

SEMEI. QazAqparat – Abaı oblysy ákiminiń orynbasary Dımıtrıı Garıkovtyń tóraǵalyǵymen «Qalbataý-Maıqapshaǵaı» jáne «Taldyqorǵan-Qalbataý-Óskemen» respýblıkalyq mańyzy bar avtojoldy qaıta jańǵyrtý jumystaryna qatysty keńes ótti, dep habarlaıdy QazAqparat oblys ákimdigi baspasóz qyzmetine silteme jasap.

Jıynǵa jolaýshylar kóligi jáne avtomobıl joldary basqarmasynyń, «QazAvtoJol» UK» AQ fılıalynyń, «Sınsın» jáne «Sıtık» merdiger kompanııanyń ókilderi qatysty.

Dımıtrıı Garıkov oblys úshin eki mańyzdy avtojolyndaǵy jóndeý jumystarynda keshigý baryn jáne osy baǵytta jumysty kúsheıtý kerek ekenin atap ótti.

«Qalbataý-Maıqapshaǵaı» avtojolynyń keıbir ýchaskelerinde jumystar keshigip jatyr, budan bólek josparǵa sáıkes qysqa deıin «Taldyqorǵan-Qalbataý-Óskemen» jolynda asfalt qabatymen qozǵalysty ashý kerek, biraq bul baǵytta da jumystar turalap tur. Jumystardy jandandyrý maqsatynda jumysshylardyń úshinshi aýysymyn qosýǵa kelistik. Sondyqtan toqtap turǵan ýchaskelerdi aıaqtaý týraly ýádelerińizdi oryndaýlaryńyz qajet», - dep atap ótti oblys ákiminiń orynbasary.

Sonymen qatar, jıyn barysynda qatysýshylar jol ýchaskelerin qysqy kezeńge daıyndaý baǵytynda jumys qarqynyn arttyrý qajettiligin talqylady.