Qysqa daıyndyq keste boıynsha júrýde - Bozymbaev

ASTANA. QazAqparat - Elimizde qysqy maýsymda jylýmen qamtamasyz etýdiń sońǵy pysyqtaý jumystary júrgizilýde, dep habarlaıdy QazAqparat tilshisi

«Aldaǵy 2018-2019 jyldardaǵy kúzgi-qysqy kezeńde elimizde turaqty energııamen jabdyqtaý úshin 4 energoblok (jyldyq kólemniń 50% -y), 32 qazan (57%) jáne 24 týrbına (53%) jáne 439 qazandyq jóndeldi. Bul rette týrbınalar men qazandar boıynsha jumys qarqyny ótken jylǵy deńgeıden 10%-ǵa joǵary ekendigin atap ótken jón. Ótken jyldyń osy kezeńin salystyrmaly túrde alsaq jyldyq jospar boıynsha  qazandardyń 47%-y, al  týrbınalardyń 43%-y jóndegen. Odan bólek búginde 4 energoblok, 24 qazan jáne 21 týrbınaǵa jóndeý jumys júrgizilýde», - dedi QR Energetıka mınıstri Qanat Bozymbaev.

Mınıstrdiń aıtýynsha búgingi kúni 24 myń km elektr berý jelisi jóndeldi, bul jyldyq jospardyń 85%-yn quraıdy jáne 4,5 myń qosalqy stantsııa, bul jospardyń 77%-yn quraıdy.

Ortalyqtandyrylǵan jylýmen jabdyqtaý aımaǵynda 500 qazandyqtyń 439-y (jyldyq jospardyń 88%) jóndeldi.

Sonymen birge Q.Bozymbaev elektr stantsııalarynyń negizgi jabdyqtary boıynsha rezervti qamtamasyz etý úshin «ArselorMıttalTemirtaý» AQ 2-JEO,  «Bassel Group LLS» JShS 1-GRES, «Aqtóbe JEO» AQ, «Sogra JEO» JShS, Shymkent JEO AQ «3-Energoortalyǵy» elektr stantsııalarynda jóndeý jumystarynyń júrigizilip jatqanyn jáne ol mınıstrliktiń jiti baqylaýynda ekenin aıtyp ótti.