Qysqa daıyndyq: Elordada qar basýy múmkin 16 ýchaske anyqtaldy
«29 qyrkúıekte tótenshe jaǵdaılar jónindegi komıssııa otyrysy ótkizilip, tótenshe jaǵdaı týraly másele qaraldy. Sol otyrysta qalany qar basatyn 16 ýchaske anyqtaldy. Olardyń ahýaldyq kartasy jasalyp, departamenttiń taralatyn kúsh-quraldary quraldy. Qazir Nur-Sultan qalasynyń tótenshe jaǵdaılar departamentiniń jeke quramynda 221 adam bar. 14 táýlikke jetetin janar-jaǵarmaı daıyndaldy. Sonymen qatar azyq-túlik qory tolyq kólemde qamtamasyz etildi», - dedi Nur-Sultan qalasy TJD bastyǵynyń orynbasary Esen Baıyrov qala ákimdiginiń Facebook paraqshasynda ótken onlaın baspasóz máslıhatynda.
Departament ókiliniń aıtýynsha, astanada qarda ótimdiligi joǵary 43 tehnıka toby qurylǵan.
«Departamenttiń tehnıkasy trospen, elektr generatorlarmen jabdyqtaldy. Qazirgi ýaqytta tabıǵı jáne tehnogendik sıpattaǵy tótenshe jaǵdaılardyń qaýpin joıý boıynsha ákimniń sheshimimen departamentten 2514 adam jáne 530 qutqarý, ınjenerlik tehnıkasy, 28 quramadan turatyn azamattyq qorǵaý qurylymy bekitildi. «Astana – Tazalyq» kásipornynyń bazasynda 17 myń tekshe metr qum-tuz qospasy jáne kóktaıǵaqqa qarsy 407 tonna reagent daıyndaldy», - dedi ol.