Qysqa daıyndyq: Elordada 40-tan astam arnaıy tehnıka satyp alyndy
NUR-SULTAN. QazAqparat – Elordada arnaıy tehnıkanyń sany arta tústi. Bul týraly Nur-Sultan qalasy ákiminiń orynbasary Ermek Qızatov málim etti, dep habarlaıdy QazAqparat tilshisi.
«Búginde elordada qysqa daıyndyq jumysy taǵy bir pysyqtalyp jatyr. Tıisti tehnıka men mamandar da daıyndyq ústinde. Jalpy maman men tehnıka jetkilikti, tótenshe jaǵdaı týyndaǵanda qosymsha kúsh jumyldyrylady. Búginde elordanyń tótenshe jaǵdaı qyzmetinde 50-den astam qar tazalaıtyn kólik bar. Odan bólek, bıyl taǵy 40-tan astam arnaıy tehnıka satyp alyndy. Sondaı-aq, jeke quramnyń da jyl saıyn qatary artyp keledi. Mamandardyń biliktiligine de asa mán beriledi. Elordada qystygúni bolatyn tótenshe jaǵdaılar kóbine aýa raıyna baılanysty. ıAǵnı boran, qatty jel, aıaz, qalyń qar, taǵy sol sııaqty», - dedi Ermek Qızatov.
Onyń aıtýynsha, búginde elordanyń tótenshe jaǵdaı qyzmeti qys mezgiline daıyn.
«Qystygúni tótenshe jaǵdaıǵa tap bolǵan jandarǵa keshendi kómek kórsetiledi. Bul jerde aldymen adamdar qutqarylady, qajet bolǵan jaǵdaıda medıtsınalyq kómek kórsetiledi. Jolda qalǵan bolsa, jyly kıim men tamaq usynylady. Sonymen qatar jolda qalǵan kólikti jetkizý qyzmeti de bar», - deıdi ol.
Aıta keteıik, búgin Nur-Sultanda «Qys – 2021» respýblıkalyq komandalyq-shtabtyq oqý-jattyǵýy bastaldy.
Eki kúnge sozylatyn qysqa daıyndyq sharasyna tótenshe jaǵdaı, qorǵanys, medıtsına, polıtsııa taǵy basqa qyzmet ókilderi qatysyp jatyr.
