Qysqa daıyndyq barysy mınıstrliktiń jiti baqylaýynda - Qanat Bozymbaev
ASTANA. QazAqparat- Aldymyzdaǵy qysqa jylytý maýsymyna daıyndyq barysyna mınıstrlik kún saıyn monıtorıng júrgizedi. Bul týraly QR Energetıka mınıstri Qanat Bozymbaev OKQ-de baspasóz maslıhatynda málim etti, dep habarlaıdy QazAqparat tilshisi.
QR Energetıka mınıstri Q.Bozymbaev jylytý maýsymyna daıyndyq barysynyń mınıstrlikten bólek Úkimette eki ret qaralyp talqylanǵanyn aıtyp ótti.
«Búgingi kúni respýblıkada elektr energııasyn óndirý 74 mlrd. KVt/saǵ quraıdy, tutyný - 70 mlrd. KVt/saǵ. Bul ótken jylǵy deńgeıden 6% joǵary», - dedi mınıstr.
Onyń aıtýynsha, aldaǵy kúzgi-qysqy kezeńge daıyndyq barysy mınıstrliktiń turaqty baqylaýynda bolady jáne 22 tamyzda Qazaqstan Respýblıkasy Úkimetiniń otyrysynda jáne 27 tamyzda Premer-Mınıstrdiń birinshi orynbasary A.U.Mamınniń tóraǵalyq etýimen ótken keńeste qaraldy.
Budan basqa, Energetıka mınıstrligi Investıtsııa jáne damý mınıstrligimen, ákimdiktermen jáne «KEGOC» AQ, «QTJ» UK» AQ, «Samuryq-Energo» AQ, «QazTransGaz» AQ ulttyq kompanııalarymen birlese otyryp aı saıyn barlyq energetıkalyq kásiporyndarmen selektorlyq keńes ótkizedi.
Buǵan deıin habarlaǵanymyzdaı, elimizde kómirmen qamtamasyz etý maqsatynda arnaıy shtab quryldy.
