Qyshqyl jańbyrlar orasan zor apatqa soqtyrdy
ASTANA. 27 qarasha. QazAqparat - Qyshqyl jańbyrlar 252 mln jyl buryn barlyq derlik ósimdikter men janýarlardyń joıylýynyń sebebi bolýy múmkin.
Massachýsetsk tehnologııalyq ýnıversıtetiniń ǵalymdary osyndaı sheshimge kelip otyr. Jappaı qyrylý Perm kezeńinde Paleozoı erasynda bolyp, apattar tarıhyndaǵy asa irileriniń birine aınaldy.
Jalpy tirshiliktiń joıylýyna qatysty áli naqty bir sheshim joq. Bir málimetter boıynsha, asteroıdtyń jerge qulaýy 186 mln jyl buryn dınozavrlardyń joıylýyna soqtyrǵan. Ekinshi bir derek boıynsha, teńizdegi aýa deńgeıiniń kúrt tómendeýi áser etken. Úshinshi boljamǵa sáıkes, apattyń oryn alýyna joǵary tektonıkalyq belsendilik pen janartaýlardyń atylýy sebep bolsa kerek.
Massachýsetsk tehnologııalyq ýnıversıtetiniń mamandary birneshe klımattyq úlgi jasaǵan. Onyń barysynda janartaýlardyń kóptegen bóligi túrli zattardy syrtqa shyǵaratyny anyqtaldy. Tájirıbe kórsetkendeı, janartaýdyń atqylaý deńgeıiniń kúshtiligi sondaı, qyshqyl jańbyrlar tolyǵymen Soltústik jarty shardy jabýy múmkin, dep habarlady utro.ru.
