Qys mezgiline respýblıkalyq joldardyń 91 paıyzy daıyn
ASTANA. QazAqparat - Qazirgi sátke jol tehnıkasynyń qysqa daıyndyǵy 91 paıyz. Bul týraly Astanada avtojoldardy qys jaǵdaıynda kútip-ustaý máselelerine arnalǵan keńeste málim boldy.
«Biz joldardy qys jaǵdaıyn kútip-ustaýǵa kirise bastadyq. Óz tarapymyzdan respýblıkalyq mańyzy bar avtojoldarda avtokólikterdiń jyl boıy bógetsiz qozǵalysyn qamtamasyz etý úshin bar kúshimizdi jumsaıtyn bolamyz. Endigisi júrgizýshilerge baılanysty, óıtkeni kólik quraldarynyń qys kezeńinde paıdalanýǵa ázirligi solardyń qolynda», - dedi Avtomobıl joldary komıteti tóraǵasynyń orynbasary Saıranbek Barmaqov. +Atalǵan vedomstvodaǵy baspasóz qyzmetiniń habarlaýynsha, QR Investıtsııa jáne damý mınıstrliginiń avtomobıl joldary komıteti «QazAvtoJol» UK» AQ basshylyǵymen birlesip, aktsıonerlik qoǵamnyń oblystyq fılıaldary men «Qazaqavtojol» RMK-ǵa 1 qarashaǵa deıin respýblıkalyq mańyzy bar avtomobıl joldaryn qysta kútip-ustaýǵa 100 paıyz daıyn bolýyn qamtamasyz etýdi, sonymen birge eń qaýipti degen ýchaskelerin baqylaýǵa alýdy tapsyrdy.
