Qys kezinde respýblıkalyq joldardaǵy ahýaldy táýlik boıy «QazAvtoJol» jáne «Qazaqavtojol» baqylaıtyn bolady - QR KKM
ASTANA. 12 qarasha. QazAqparat - QR Kólik jáne kommýnıkatsııa mınıstrliginde joldardyń qys kezinde kútip-ustaý jónindegi keńesi ótti, dep habarlady atalǵan vedomstvonyń baspasóz qyzmetinen.
Asqar Jumaǵalıev tóraǵalyǵymen ótken keńeske «QazAvtoJol UK» AQ basshysy Erik Sultanov jáne «Qazaqavtojol» RMM basshysy Serik Aqtanov qatysty.
Kún tártibinde avtokóliktiń qys kezindegi qatersiz jáne tosqaýylsyz qozǵalysyn qamsyzdandyrý suraqtary qarastyrylyp, qolaısyz kún raıy kezinde qoldanylatyn jarııalaý syzbalary bekitildi. Sonymen birge keńeske qatysýshylar daıyndyq jumystarynyń barysy, qar tazalaý tehnıkasynyń daıyndyǵy, qóqtaıǵaqqa qarsy materıaldar, óndiris ǵımarattar men jylytý oryndarynyń daıyndyǵy týraly málimdeme jasady.
Búgingi kúni respýblıkalyq mańyzy bar joldardy qysqy kezde kútip-ustaý tehnıkasynyń daıyndyǵy 86 paıyzdy qurap otyr, al materıaldar daıyndamasy 80 paıyzǵa oryndalǵan.
Ótkizilip jatqan sharalar sheńberinde 3,5 myń ýaqytsha jol belgileri ornatý jáne 5 p.m. qardan qorǵanysh qalqandary ornatý josparlanyp otyr.
Óndiris qorlaryn (garaj-turaqtardy), qazandyqtardy, jylytatyn beketter men hımreagentterdi saqtaý qoımalaryn jóndeý jumystary bitý kezeńinde. Qazirde 42 myń m3 qum, 5,3 myń tuz, 143 myń lıtr benzın, 431 tonna dızel janarmaıy daıyndalǵan.
Sonymen qatar keńes qatysýshylary qys kezinde respýblıkalyq joldardaǵy ahýaldy táýlik boıy «QazAvtoJol» jáne «Qazaqavtojol» dıspetcher qyzmetteri baqylaıtyny týraly aıtty. Qolaısyz kún raıy týraly jedel aqparat, QR TJM, QR ІІM jáne QR KKM bekitken qolaısyz kún raıy jáne tótenshe jaǵdaılar týyndaý kezinde jarııalaý Syzbasyna sáıkes, gıdrometeoqyzmetterinen alynady.
Mınıstr Asqar Jumaǵalıev jol-paıdalaný mekemelerine jáne olardyń bólimshelerine osy baǵyttaǵy jumysty kúsheıtýge tapsyrma berdi. Atap aıtqanda, qajet kómir, janar-jaǵarmaı materıaldary, kóktaıǵaqqa karsy materıaldar jáne tasymaldy qardan qorǵanysh qalqandar qoryn qamtamasyz etý, óndiris bazalary men jylytý beketterin qysqyǵa tolyǵymen daıyndaý, «Astana-Şýche» avtojolyn qajet qar tazalaý tehnıkasymen tolymdaý, turaqty qar bógeý qorshaýlaryn ornatý jumystaryn bitirý jaıynda aıtyldy.
