Qys kezinde avtojoldarda 900-den astam jylytý pýnktteri iske qosyldy
ASTANA. QazAqparat - Aǵymdaǵy qysta aýa raıynyń ózgeristeri týraly 357 márte SMS-habarlamalar taratyldy. Bul týraly búgin Astanada ótken baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
Onyń sózine qaraǵanda, respýblıkalyq mańyzy bar joldar 356 ret jabylǵan eken. Atalǵan kezeńde 763 adam qutqaryldy. Munymen qosa, qar qursaýynda qalyp qoıǵan 5 028 adam men 1 762 tehnıka qaýipsiz jerge jetkizildi.
«Bul baǵyttaǵy jumystarǵa ІІM jeke quramynan 1359 adam, al jergilikti atqarýshy organdarynan 2112 adam jumyldyryldy», - deıdi resmı ókil.
Atap aıtqanda, qys kezinde temir jol men avtomobıl joldarynyń asa kóp qar basatyn bólikterinde 12 myńnan astam qardan qorǵaıtyn qalqan ornatyldy. Kóktaıǵaqqa qarsy 80 myń tekshe metr jerge arnaıy qum sebildi. Sondaı-aq respýblıkalyq avtojoldarda 949 jylytý pýnktteri iske qosyldy.
«Apattyq-qutqarý jáne izdestirý jumystaryn uıymdastyrý boıynsha kúshter men quraldardy úılestirý úshin TJ komıtetinde táýlik boıy respýblıkalyq jedel shtab jumys istedi»,-dedi R. Imanqulov.
