Qys qarashanyń ortasynda qaharyna minedi - Qazgıdromet
ASTANA. 2 qarasha. QazAqparat - Aldyn ala boljam boıynsha, aǵymdaǵy jyldyń qarasha aıynda Qazaqstannyń ońtústigi men shyǵysynda temperatýralyq jáne jaýyn-shashyn kólemi ortasha kópjyldyq kórsetkishke jaqyn,
al qalǵan aýmaqta ádettegiden jylyraq, jaýyn-shashyn azdaý bolady.
Bul týraly Qazgıdromettiń baspasóz qyzmetinen habarlaıdy.
Qarashanyń basynda tabıǵat jylýymen jáne kúnniń kózimen erkeletedi. Alaıda, birinshi onkúndiktiń ortasynda arktıkalyq aýa massalarynyń aǵynymen aǵashtar qysqy kıimge oranady.
Odan keıin ońtústik tsıklonnyń shyǵýy azdaǵan jylylyq taratady, bul rette Qazaqstannyń kóptegen oblystarynda qar jaýady, eldiń soltústigi men shyǵysynda jel ekpinimen birge burqasyndardyń bolýy joqqa shyǵarylmaıdy.
Aıdyń ortasynda aıtarlyqtaı sýyq kútilýde, bul kezde qys óziniń kúshine enip kele jatqandyǵynan habardar etedi. Respýblıkanyń soltústik, shyǵys jáne ortalyǵynyń jekelengen ýchaskelerindegi joldarda kóktaıǵaqtyń paıda bolýy yqtımal, tańerteńgi jáne túngi saǵattarda tuman túsedi, sondyqtan sınoptıkter jolda muqııat bolýdy eskertedi.
Qarashanyń sońǵy onkúndiginde barıkalyq paıda bolýlardyń jıi aýysýy da kútiledi, bul temperatýranyń aýytqýlaryna soqtyrady.
