Qys qaharyna jeltoqsanda minedi degen boljam bar
ASTANA. 28 qarasha. QazAqparat - Qarashada qar jaýmaǵanmen jeltoqsanda aıaz qysady. «Qazgıdromettiń» mamandary osyndaı boljam jasap otyr.
«Qazgıdromet» ortalyǵynyń uzaq merzimdi boljamdar bóliminiń deregine súıensek, aldaǵy aıdaǵy ortasha temperatýra -11-18 gradýsqa nólden tómen bolmaq.
Jeltoqsannyń basynda kún kúrt sýytpasa da ortasyna qaraı sarshunaq aıaz qysady. Ol kezde aýa temperatýrasy túnde mınýs 22-27, keı aýdandarda tipti mınýs 37 gradýsqa deıin tómendeıdi degen joramal bar. Ara-tura burqasyndatyp alady.
Odan soń ádettegideı aıazdyń beti qaıtady. Biraq bul jaımashýaq kezeń uzaqqa sozylmaıdy, aıdyń sońyn ala bere tabıǵat ana tirshilik ıelerin aıazben taǵy bir «ushyqtap» alady. Sınoptıkterdiń boljamynsha, bul aralyqta aýa temperatýrasy túnde mınýs 23-28, keı jerlerde mınýs 39 gradýsqa deıin qulaıdy. Al jeltoqsannyń eń sońǵy kúninde, ıaǵnı, dál Jańa jyldy qarsy alatyn kezde aıazdyń beti qaıtyp, jylynýy múmkin, dep habarlaıdy Altaynews.kz.
Qardyń jaýýy mamandar boljamyna sáıkes, jeltoqsan boıy jalǵaspaq. Sóıte tura qardyń qalyńdyǵy jyldyq mólsherden aspaıdy.
