Qys basynan 3937 adam qar qursaýynan qutqaryldy
ASTANA. 28 qańtar. QazAqparat - Qys basynan 3937 adam qar qursaýynan qutqaryldy. Bul týraly búgin QR Tótenshe jaǵdaılar mınıstrliginen málim etti.
Vedomstvonyń atap ótýinshe, búgingi kúnge deıin «Qazgıdromet» kásiporny elimizdiń ortalyq, soltústik jáne shyǵys óńirlerindegi barlyq oblys ortalyqtarynda aýa raıynyń kúrt nasharlaýyna baılanysty 37 márte eskertý jarııalaǵan. Sonymen qatar joldyń kóktaıǵaq bolyp, boran soǵýyna baılanysty Aqmola, Almaty, Shyǵys Qazaqstan, Qaraǵandy, Qostanaı, Qyzylorda, Pavlodar, Jambyl, Soltústik Qazaqstan jáne Ońtústik Qazaqstan oblystarynda avtokóliktiń barlyq túrine jol jabylǵan.
Shuǵyl áreket etý ári tótenshe oqıǵaǵa jol bermeý maqsatynda QR TJM-nyń barlyq qutqarý bólimshelerine, jol polıtsııa bólimderine, medıtsına qyzmetterine jol bóliginiń asa qaýipti óńirleri arnaıy bekitilgen.
2012 jyldyń 1 jeltoqsanynan bastap osy ýaqytqa deıin QR TJM qutqarýshylary qar qursaýynan 3937 adamdy shyǵaryp, 1245 kólikti qaýipsiz jerge jetkizdi.
