Qys basynan 1780 adam qar qursaýynan qutqaryldy
ASTANA. QazAqparat - Qys basynan 1780 adam qar qursaýynan qutqaryldy. Bul týraly búgin QR Іshki ister mınıstrliginiń Tótenshe jaǵdaılar komıteti Halyqty aqparattandyrý jáne oqytý bóliminiń bastyǵy Rýslan Imanqulov málim etti.
«2014-2015 jyldardaǵy qys mezgilinde qutqarýshylar 1780 adamdy qar qursaýynan qutqaryp, 479 avtomobıldi qaýipsiz jerge kóshirdi», - dedi ol.
R.Imanqulovtń aıtýynsha, Almaty oblysynda 37 oqıǵa kezinde 857 adam men 377 kólik, Shyǵys Qazaqstanda 21 oqıǵa barysynda 503 adam men 184 kólik, al Qaraǵandy oblysynda 16 oqıǵada 174 adam men 20 tehnıka qutqarylǵan.
«Barlyq qutqarý qyzmetteriniń ýaqyty ári shuǵyl áreket etýiniń arqasynda aýa raıy kúrt nasharlaǵan sátterde avtojoldarda qar qursaýynda qalǵan adamdar arasynda qaza tapqandar bolǵan joq», - dedi bólim bastyǵy.
