Qys bastalǵaly 900 adam qutqaryldy, 90 tehnıka qar qursaýynan shyǵaryldy - mınıstr
«Azamattardyń qaýipsizdigin jáne tótenshe jaǵdaılarǵa jedel den qoıýǵa daıyndyǵyn qamtamasyz etý úshin TJM barlyq tótenshe den qoıý júıesin qysqy kezeńge daıyndaý boıynsha keshendi josparly jumys júrgizýde. Qarashanyń úshinshi onkúndiginde «Qys-2022» respýblıkalyq komandalyq-shtabtyq oqý-jattyǵýy ótkizildi. Jattyǵý qorytyndysy uıymdastyrýshylyq sheshimder qabyldaýdy talap etetin birqatar máselelerdiń bar ekendigin kórsetti», - dep mınıstr komıssııa otyrysynda aıtyp ótti.
ıÝrıı Ilın sondaı-aq IIDM ókiline qar ustaıtyn qalqandardyń jetkiliksiz sany boıynsha problemanyń bar ekendigin jáne qys mezgilinde avtojoldardy ýaqtyly tazalamaýdy atap ótti. Atalǵan máselelerdi sheshý úshin júıeli sıpattaǵy tıisti sharalardy qabyldaý qajettigin aıtty.
ıÝrıı Ilın sondaı-aq ýákiletti organnyń aldynda ortalyq tosqaýyl qorshaýynda tehnologııalyq joldyń bolmaýy sebebinen avtojoldyń qarama-qarsy jaǵyna ótý múmkin emestigine baılanysty keptelisterdiń qalyptasýy máselesin kóterdi. Mysaly, Qaraǵandy oblysynda Almaty-Ekaterınbýrg avtojolynda kempıngtiń janyndaǵy 1070 km jerde (resmı jylytý pýnkti) tosqaýyl qorshaýynda jol joq. Bul Qaraǵandy-Astana baǵytynda kele jatqan tehnıkanyń jol júrýine múmkindik bermeıdi.
Jalpy, búgingi kúni avtokólik keptelisi qalyptasatyn joldardyń úsh myńnan astam kúrdeli ýchaskeleri anyqtaldy.
Qarasha-jeltoqsan aılarynda elimizdiń avtojoldarynan qutqarý bólimsheleri 900-ge jýyq adamdy qutqardy jáne evakýatsııalady, onyń ishinde 128 bala, 90 tehnıka qar qusaýynan shyǵaryldy jáne súıreldi, 32 jylytý pýnkti iske qosyldy.
Ótken qysqy kezeńde qutqarýshylar qar qursaýynan 2,6 myńnan astam adamdy jáne 600-ge jýyq tehnıkany qutqaryp, evakýatsııalady. El óńirlerinde daýyldy eskertýler 1146 ret jarııalandy, respýblıkalyq mańyzy bar avtojoldar 684 ret jáne oblystyq mańyzy bar avtojoldar 427 ret jabyldy.
