Qys-2022: oqý-jattyǵý aıasynda dabyl belgileri qosylady
Maqsat – qysqy kezeń jaǵdaıyndaǵy tótenshe jaǵdaılardyń aldyn alý jáne joıý jónindegi is-qımyldarǵa azamattyq qorǵaýdyń memlekettik júıesiniń basqarý organdary men kúshterin daıyndaý.
Oqý-jattyǵýdy úılestirý jáne basqarý jónindegi respýblıkalyq shtab Qostanaı qalasynda ornalasady. Shara 24 qarasha saǵat 8:00-de (Gogol kóshesi, 79a, Órt sóndirý qyzmetiniń ǵımaratyndaǵy daǵdarys ortalyǵy, 1-qabat) bastalady.
Qostanaı oblystyq TJD jáne azamattyq qorǵaý quralymdarynyń oqý-jattyǵýǵa tartylatyn bólimsheleri Qostanaı qalasyndaǵy «Qonaı» shaǵyn aýdanynda avarııalyq-qutqarý kezek kúttirmeıtin jumystaryn praktıkalyq oryndaý boıynsha is-qımyldardy oqý-jattyǵý ornynda pysyqtaıdy.
«Halyqtyń nazaryna! «Qys-2022» respýblıkalyq komandalyq-shtabtyq oqý-jattyǵýyn uıymdastyrý barysynda oblys aýmaǵynda tótenshe jaǵdaılar qaýpi týraly halyqty elektrosırenalardy iske qosý jáne telearnalardy qarmaý arqyly habardar etýdi tájirıbelik pysyqtaý júzege asyrylady. Azamattardan tynyshtyqty saqtaýdy jáne eshqandaı áreket jasamaýdy suraımyz», - delingen vedomstvo habarlamasynda.
«Qys-2022» oqý-jattyǵýy sheńberinde elimizdiń barlyq óńirlerinde tótenshe jaǵdaılardy joıý jónindegi is-qımyldardy, avarııalyq-qutqarý qyzmetterimen jáne azamattyq qorǵaý quralymdarymen praktıkalyq is-qımyldardy pysyqtaý úshin komandalyq-shtabtyq jattyǵýlar josparlanǵan.
